Mayın 15-də saat 14:30-da Bolnisi Rayon Məhkəməsində seçki saxtakarlığında təqsirləndirilən Rövşən və Etibar İsgəndərovların növbəti məhkəmə prosesi keçiriləcək.

İsgəndərovların işi üzrə sonuncu məhkəmə prosesi mayın 8-də keçirilib.

Rövşən İsgəndərov Marneuli Bələdiyyə Məclisinin sədr müavini olub. İttihama görə, o, Etibar İsgəndərovla 2024-cü il oktyabrın 26-da Sadaxlıdakı 69 saylı seçki məntəqəsində seçkiləri saxtalaşdırmağa cəhd edib. Oktyabrın 26-da yayılan videoda Rövşən İsgəndərovun seçki qutusuna seçki zərflərini atması, Etibar İsgəndərovun isə ona kömək etməsi əks olunub.

Rövşən və Etibar İsgəndərovlar oktyabrın 31-də həbs ediliblər, barələrində həbs-qətimkan tədbiri seçilib.

İsgəndərovlar Cinayət Məcəlləsinin seçki ilə bağlı sənədləri-seçici siyahıları, protokollar, bülletenlər, qeydiyyat jurnalları və nəzarət vərəqlərini qəsdən saxtalaşdırma ilə bağlı 164-cü maddəsi ilə ittiham olunurlar.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---