Bu gün, 14 may tarixində Marneuli bələdiyyəsinin Daştəpə kənd ictimai məktəbində birinci siniflərin Əlifba bayramı keçirildi.
Tədbirdə məktəb müdiri, müəllimlər, şagirdlər və valideynlər iştirak edirdilər. Bayram tədbiri dövlət himninin səsləndirilməsi ilə başladı. Birinci sinif şagirdləri müxtəlif şeirlər söylədilər və rəqslər etdilər.

Daha sonra, məktəb rəhbəri çıxış edərək, şagirdləri birinci sinifi başa vurmaları münasibətilə təbrik etdi. Sinif rəhbəri Səmra Allahverdiyeva də öz növbəsində şagirdləri təbrik etdi və onlara uğurlar arzuladı. O, “Marneuli” radiosu ilə söhbəti zamanı bildirdi ki, 2020-ci ildə koronavirus pandemiyası səbəbindən Əlifba bayramı şənliyi keçirə bilməyiblər.

Birinci siniflər gələcəkdə hansı peşəyə yiyələnmək istədiklərini də bizimlə bölüşdülər. Onlardan bəziləri gələcəkdə, müəllim, həkim, polis, buğalter və ya rəssam olmaq istədiklərini dilə gətirdilər.

Qeyd edək ki, bu il Daştəpə ictimai məktəbindən 11 nəfər şagird birinci sinifi bitirir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---