Marneulili idmançı qızlar “Tbilisi gimnaestrada" beynəlxalq turnirində uğurla iştirak ediblər.

Marneuli İdman Məktəbinin açıqlamasında bildirilir ki, Tbilisidə gimnastika üzrə beşinci beynəlxalq turnir keçirilib və bu turnirdə Marneuli İdman Akrobatika Dərnəyinin nümayəndələri - 36 qızdan ibarət iki komanda iştirak edib.

"İdman akrobatikası akrobatik elementləri, simmetrik və asimmetrik fiqurları, sıçrayışları və bədii kompozisiyanı musiqi ilə birləşdirən idman növüdür. İdman akrobatikası cüt və ya qrup şəklində həyata keçirilir, xüsusi fiziki güc, çeviklik, dəqiqlik, komanda işi tələb edir", - Marneuli İdman Məktəbinin məlumatında deyilir.

Marneulili qızlar festival nömrələrini uğurla ifa edərək münsiflər heyəti tərəfindən bəyəniliblər. İdman məktəbindən bildirirlər ki, onların ən mühüm prioritetlərindən biri bələdiyyədə qızlara xas idman növlərinin inkişafına təkan verməkdir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---