Daştəpə kəndində yerləşən 52 saylı seçki məntəqəsində bıçaqlanan Leyboristlər partiyasının təbliğatçısı xəstəxanadan evə buraxılıb. O, hal -hazırda özünü yaxşı hiss edir. Bu barədə məlumatı "Marneuli" radiosu ilə söhbəti zamanı partiyanın üzvü Əli Bədirov verdi.

Onun sözlərinə görə, bıçaqlanan şəxs qarın nahiyəsindən yaralanmışdı.

"O, xəstəxanaya yerləşdirildikdən sonra əməliyyat olundu. Partiyamızın üzvü ötən günü xəstəxanadan evə buraxıldı. Hadisə ilə bağlı polisə də izahat verib. Hal-hazırda həyatı üçün heç bir təhlükə yoxdur. O, indi özünü yaxşı hiss edir."

Əli Bədirovun sözlərinə görə, bu gün Leyboristlər partiyasının sədri Şalva Natelaşvili Daştəpə kəndinə gedəcək və bıçalqanan şəxsi evində ziyarət edəcək.

Qeyd edək ki, 2 oktyabr tarixində Daştəpə kəndində, 52 saylı seçki məntəqədə Leyboristlər partiyasının təbliğatçısını bıçaqlanmışdı.

Həmin gün Əli Bədirov "Marneuli" radiosu ilə söhbəti zamanı Daştəpə kəndində Leyboristlər partiyasının təbliğatçısının "Gürcü Arzusu" partiyasının tərafdarı tərəfindən bıçaqlndığını bildirmişdi.

Daha sonra Parlamentin Marneuli və Qardabani seçki dairəsindən majoritar deputatı Zaur Darğallı "Gürcü Arzusu" partiyasının qərargahında birifinq keçirərək qeyd etmişdir ki, "Leyboristlər" partiyasının tərəfdaşının bıçaqlanması hadisəsində "Gürcü Arzusu"-nun tərəfdaşlarının və fəallarının heç bir əlaqəsinin olmadığını açıqlamışdı. Onun sözlərinə görə, baş verən insident "Leyboristlər" və "Vahid Milli Hərəkat" partiyasının tərəfdaşları arasında yaranıb. Lakin müxalif partiyalar insidentin "Gürcü Arzusu" tərəfdaşları tərəfindən baş verdiyini iddia edir.