Marneuli merinin fəaliyyətsiz Məsləhətçi Şurası nə etməlidir

17:56 / 30.05.2019

Marneulinin yeni meri var. Zaur Darğallı Marneulinin növbədənkənar mer seçkilərdə əhalinin səsinin 78,6%-ni topladı. Darğallı seçkiqabağı kampaniya dövründə əhalinin meriyasnın işinə qoşulmasının əhəmiyyətindən danışırdı və vəd verdi ki, əhalinin qoşulması baxımından Marneulidə bu gün mövcud olan mexanizmləri inkişaf etdirəcək.

Marneuli meriyasında artıq merin məsləhətçi şurası var, o keçən il formalaşdırılıb, ancaq məsləhətçi şurası indiyə kimi heç nə etməyib. Bunun səbəblərindən biri isə ola bilsin Marneulinin 10 ay ərzində mersiz qalmasıdır. Məsləhətçi Şurasının fəaliyyətsizliyinin səbəbləri haqqında Marneuli Radiosu ilə Şuranın üzvü Nana Nadibaidze danışır. Onun sözlərinə görə, Şuranın fəaliyyətinin dayanması müəyyən qədər onun üzvlərinin də günahıdır, çünki əksəriyyət iş saatlarında iclasda iştirak edə bilmir.

“Layihə üzərinda çalışmalar gedən zaman yalnız sonda, artıq qəbul olunanda bizi çağırırdılar. Biz öz fikrimizi elə də deyirdik amma büdcə üzərində, gəlirlər və xərcləri işləyək belə hallar olmayıb. Düşünürəm ki, şura üzvlərinin müəyyən materialı da olmalıdır ki, büdcə ilə bağlı məsələləri yaxşı həll edək” – Nana Nadibaidze deyir.

Yerli özünüidarəetmə məcəlləsinə əsasən merin məsləhət etdiyi orqan, məsləhətçi şurası vətəndaşların qərar qəbul etmə prosesində iştirak etməsinin formalarından biridir və onun yaradılması məcəllə ilə məcburidir. Amma məcəllədə bu hallar üçün merin şura yaratmadığı vəziyyətdə sanksiyalar yazılmayıb.

Merin funksiyalarına ən az 10 nəfərdən ibarət olan şuranı toplamaq da daxildir. Üzvlər isə öz növbələrində mülki sektor, biznes nümayəndələri və eyni zamanda fəal vətəndaşlar olmalıdır. Bununla bağlı biz Mülki Mədəniyyət üzrə Beynəlxalq Mərkəzin icra hakimiyyəti sədrinə, Kote Kandelakiyə müraciət etdik və söhbət apardıq.

Kote Kandelaki bildirir ki, Məslhətçi Şurasının yaradılması mer üçün vacibdir ki, o, bələdiyyəni daha yaxşı idarə etsin.

Marneulinin meri Zaur Darğallı Marneuli radiosu ilə söhbəti zamanı deyir ki, vətəndaşların idarəsi prosesində onun iştirakı prioritetlidir.

“Biz vətəndaşların qoşulmasına aid olan bütün mexanizmləri fəallaşdırıb gücləndirəcəyik, eləcə də yeni mexanizmlər yaradacağıq. Çünki əhalinin qoşulması və idarəsi prosesində iştirakı mənim üçün prioritetdir” - Zaur Darğallı deyir.

Hələ ki, Zaur Darğallının nə zaman rəsmi olaraq Marneulinin meri olacağı məlum deyil. Mer vəzifəsini yerinə ytirmək üçün hələ MSK seçki nəticələrini rəsmi olara qelan etməlidir, sonra Marneuli bələdiyyə məclisi nəticələri qəbul etməlidir.

BY AUTHOR

Amil Məmmədov