მსოფლიოში ყველაზე ძვირად ღირებული ფარმაცევტული ბრენდების რეიტინგში ზედიზედ მეექვსე წელი პირველი ადგილს ამერიკელი კომპანია, Johnson & Johnson იკავებს.

ამის შესახებ ბრენდების შეფასების სფეროში საკონსულტაციო კომპანია Brand Finance-ის მონაცემებში წერია.

კერძოდ, გასული წელს ბრენდ J&J-ის საბაზრო ღირებულება 5%-ით, 13.4 მლრდ დოლარამდე გაიზარდა.

თუმცა ყველაზე სწრაფად მზარდი ფარმაცევტული ბრენდი Novo Nordisk და Eli Lilly-ია. კერძოდ, Novo Nordisk-ის საბაზრო ღირებულება 64%-ით, 5,1 მლრდ დოლარამდე, ხოლო Eli Lilly-ის 53%-ით, 5,9 მლრდ დოლარამდე გაიზარდა.

საბაზრო ღირებულებით ყველაზე ძვირი ფარმაცევტული კომპანიების ტოპ 10-ეული ასეთია:

• Johnson & Johnson (აშშ) – 13,4 მლრდ დოლარი
• Roche (შვეიცარია) – 8,8 მლრდ
• Pfizer (აშშ) – 6,1 მლრდ
• Merck (აშშ) – 6,1 მლრდ
• Eli Lilly (აშშ) – 5,9 მლრდ
• AstraZeneca (დიდი ბრიტანეთი) – 5,7 მლრდ
• Bayer (გერმანია) – 5,5 მლრდ
• Novo Nordisk (დანია) – 5,1 მლრდ
• Sanofi (საფრანგეთი) – 4,4 მლრდ
• Bristol Myers Squibb (აშშ) – 4,2 მლრდ

კაპიტალიზაციით ტოპ 25 ფარმაცევტულ ბრენდს შორის ოთხი ჩინური კომპანია, Guangzhou Pharmaceutical, Sinopharm, Shanghai Pharmaceuticals Holding და Yunnan Baiyao მოხვდა.

---

„ქართული ოცნება“ კიდე ერთხელ აპირებს რუსული კანონის მიღებას, რომელიც 2023 წლის მარტში მასობრივი პროტესტის შედეგად უკან გაიწვიეს. „ქართულმა ოცნებამ“ გასულ წელს დადო პირობა, რომ რუსულ კანონს აღარ დაუბრუნდებოდნენ, მაგრამ პირობა დაარღვია. ქართულმა ოცნებამ კანონპროექტის პირვანდელი ფორმულირებიდან მხოლოდ სიტყვა "აგენტი" ამოიღო და ის უცხოური ძალის ინტერესების გამტარებლით შეცვალა.
კანონის მიხედვით, ყველა არასამთავრობო და მედიაორგანიზაცია, რომლის შემოსავლების 20%-ზე მეტი უცხოეთიდან არის მიღებული უცხოური ძალია ინტერესების გამტარებლად ჩაითვლება. სახელმწიფო არ გამოიკვლევს თუ რას საქმიანობენ და რა მიზნებს ემსახურებიან ეს ორგანიზაციები და მათ ყველას უცხოური ძალის ინტერესის გამტარებლად შერაცხავს.
კანონი მიმართულია ევროპასა და ამერიკისაგან შემოსულ დაფინანსებებზე და არა მტრულად განწყობილი ქვეყნებიდან შემოსულ დაფინანსებებზე, როგორც ეს ცივილიზებულ ქვეყნებშია.
კანონის ინიცირების გამო შეშფოთება გამოთქვეს ევროკავშირის წევრმა და საქართველოს მეგობარი ქვეყნების ლიდერებმა, რუსეთის პრეზიდენტის პრესმდივანმა კი „ქართული ოცნების“ კანონი მოიწონა.