Sən Marneulidə işləyirsənsə bu ifadələri işlətməyi bacarmalısan “Yox mənlik deyil”, “Xeyr, vaxtım yoxdur” - Pərvin Hacıyevanın səsli fikri
2 ildən artıqdır ki,
“Marneuli” radiosunda jurnalist olaraq çalışıram. Səhər saat 9-da
işdə olur və axşam saat 5-də işdən çıxıram. 1 saatlıq yolu da
nəzərə alsaq yorulmamaq mümkün deyil.
İşdə olanda vaxtında efirə çıxmağın deyil, telefonuma gələn
zənglərin səbəblərinə görə daha çox həyəcan keçirirəm. Maraqlıdır
niyə?
Əgər sən Marneulidə işləyirsənsə sənə evdəkilər, sevimli
qonşuların, köhnə tələbə yoldaşların, aylarla üzünü belə görmədiyin
qohumların və s. hamı yığa bilər.
Sənə gələn hər bir zəngin fərqli bir səbəbləri var, bu banklara
kredit ödəmək, Marneuli bazarından hər hansı məhsulu almaq,
mağazada paltarın qıymətini soruşmaq, kiməsə pul göndərmək,
əczəxanadan dərmanların qiymətini hesablatmaq, ədliyyə evində hər
hansı sənəddə yaranan problemin səbəbini soruşmaq bu və buna bənzər
bir çox şelyər.
Bu zənglərin qarşılığında sən təbii ki, “Xeyr, işdəyəm
və çıxa bilmirəm”, “Əslində vaxtım
yoxdur”, “Yox direktorum icazə verməz” kimi ifadələr
işlətmək istəyirsən amma təəssüf ki, bunu heç vaxt edə
bilmirsən.
Xüsusən də həyatında bir zəng var və bu zəngi sən heç vaxt nə
cavabsız qoya bilməzsən nədə ki, işim var, edə bilmərəm ifadələrini
işlədə bilməzsən. Çünki, bu zəngi edən sənin anandır. Onun
istəkləri isə heç bitməz, bir gün əlində göyərti ilə evə gedərsən,
bir gün toyuqla, bir gün qaymaqla, bir gün yuyucu vasitə ilə...
Məsələ orasındadır ki, evdən çıxıb işə gəlirsənsə
“Onsuz da Pərvin Marneulidədir, bunları o, da ala
bilər” deyir və bütün alacaqlar siyahısını sənə yazıb
verərlər.
Sanki işə deyil bazarlığa gəlirsənmiş kimi bir işə qaçarsan bir
bazara sonra əczəxanaya, banka və s.
Zaman keçdikcə sənə gələn zənglərin hansı səbəblə olduğunu və zəngi
cavablamadan da artıq hara gedəcəyini müəyyən edə bilirsən.
Bütün bunları edərkən tək lazım olan işlədiyin ofisdə direktorunun
mərhəmətli olmasıdır. Çünki, sən hər kəsin işinin arxası ilə
qaçdığında sənə işdən çıxmaq üçün icazə verən direktorunun olması
şərtdir. Əks halda isə gələn zənglərə “Yox alınmaz,
direktorum ofisdədir, işdən çıxammıram” deyərsən və
bütün qohumlarla, tanışlarla düşmən olarsan!