2 noyabr gecəsi Tbilisidə iki azərbaycanlı gənc bir qrup şəxs tərəfindən döyülüb.

Hadisə mağazada pul xırdalamaq üstündə yaranan mübahisədən sonra baş verib.

Bu barədə zərərçəkənlərdən biri “Marneuli” radiosuna məlumat verdi. O, müsahibəsində bildirdi ki, hadisə bir qadının mağazaya gəlməsi və 3 larini 5 tetriliklərə dəyişmək istəməsi ilə başlayıb. İşçilər bunun mümkün olmadığını izah etdikdən sonra qadın onlara qarşı aqressiv davranıb və söyüş söyməyə başlayıb.

“O qədər məbləği xırdalamaq olmaz. Biz orada 12 saat işləyirik. Bizə də lazım olur. Dedik, əgər nə isə bir şey alsanız, elə xırdalaya bilərik. Bunu deyəndə sual verdi: “Niyə olmaz? Mən gəlib həmişə burada xırdalayıram və s. Söyüş söyməyə başladı. Mən yaxınlaşdım kassaya. Ən başda mənim dostum idi kassada. Mənə dedi sən gürcü dilini bilirsən? Dedim bəli, bilirəm. Başladı mənə də ağzına gələni deməyə. Mən onu qadın olduğu üçün bu sözlərə görə ciddiyə almadım. O, dostumla danışanda söhbətə mən də qarışdım. Mən tərəfə gəldi, mənə yumruq atdı. Bu zaman qolundan tutdum. Qarşılıq verəsi deyiləm ki, xanımdır”.

Gənc və dostu qadının mağazadan çıxmasını xahiş ediblər. Ancaq o, yenə də söyüş söyməyə davam edib. Daha sonra qadın mağazanı tərk edərkən işçiləri oğlunu çağıracağı ilə hədələyib.

“Mən 4-5 dəqiqə olardı ki, kassaya keçmişdim, gəldilər. Videoda olduğu kimi ilk olaraq mənim üzərimə gəldilər. Biz növbəni dəyişdik ki, kassada mən oturum, dostum sıraları düzsün. İlk növbədə qadın içəri girdi, daha sonra digər 5 nəfər daxil oldular. Tam üzlərinə baxa bilmədik. Həmişə də olur, 4-5 nəfər birlikdə mağazaya gəlir. Biz oranın daimi işçiləri deyilik. Sadəcə 1 gecəliyinə kömək üçün getmişdik. Gecəni işləyib sabah tezdən pulumuzu götürüb gedəcəkdik. Onlar qapıdan içəri girəndə mən digər iki nəfər müştərinin aldığı məhsulları kompüterə vururdum. Alıcı bir dənə də siqaret istədi, bunu göstərən an içəri girən şəxslərdən biri arxa tərəfdən boğazımdan tutdu. 24 saatlıq “Spar”da mağazanın rəhbərliyi olmur. Biz gəlirik, onlar təhvil verib gedirlər”.

Gəncin sözlərinə görə, onlara ətrafdan yardım edən olmayıb.

“Hadisədən sonra bir qadın yaxınlaşıb, mənim pencəyimi gətirdi. Əhvalımızı soruşdu. Polisi və təcili tibbi yardımı kimin çağırdığını bilmirəm. Ayağımda şiş var, belimdə, ürək nahiyəsinin arxasından, başımdan travma almışam. Onun müalicəsinə 20-25 gün davam edəcəyəm. Yoldaşımın başında isə 2-3 dənə çapıq izi var. Həkim mənə 1 ay ərzində arxası üstə uzanmalı olduğumu bildirdi. Hələlik kənddə qalıb dincəlirəm. Yəqin ki, eyni millət olsaydıq, belə bir halın baş verməsinə şans yox idi. Bəlkə elə başa düşdü ki, biz onunla məzələnərək danışırıq. Qadındır, biz ona heç bir pis şey demədik. Qadın olduğuna görə susduq”, – zərərçəkən deyir.

Qeyd edək ki, faktla bağlı Daxili İşlər Nazirliyi 6 nəfəri saxlayıb. Bunlar 1970-ci il təvəllüdlü Manana Qiorqobiani, 1996-cı il təvəllüdlü J.Ç., 2000-ci il təvəllüdlü L.G., 1999-cu il təvəllüdlü D.P. və 1995-ci il təvəllüdlü D.K.-nı, 1997-ci il təvəllüdlü Ş.A.-dır.

Cinayəti törədən şəxsləri 9 ilədək azadlıqdan məhrumetmə cəzası gözləyir.

İstintaq Gürcüstan Cinayət Məcəlləsinin 225-ci və 126-cı maddələri ilə aparılır ki, həmin maddələr qrup halında zorakılıq və onun təşkilini nəzərdə tutur.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.