Çeçenistanda məişət zorakılığından qaçmış Ayşat Baymuradova Yerevanda ölü tapılandan sonra qəsdən öldürmə maddəsi ilə cinayət işi açılıb. Məlumatı Ermənistanın İstintaq Komitəsi yayıb.

Qurumun bildirdiyinə görə, cinayətdə iki nəfər ittiham olunur, barələrində axtarış elan edilib. Ermənistan hüquq-mühafizə orqanları bunu Baymuratovaya kömək etmiş "СК SOS" böhran qrupunun müraciətinə cavab olaraq bildirib.

Artıq Ermənistanda dindirmələr, qadının meyitinin tapıldığı mənzildə axtarış aparılıb. Ekspertiza təyin olunub. Axtarışa verilənlər barəsində həbs-qətimkan tədbiri seçilib. Amma hüquq müdafiəçiləri həmin şəxslərin adlarının açıqlanmadığını bildirirlər.

Çeçenistanlı A.Baymuratova keçmiş ərinin zorakılığına məruz qalandan sonra Çeçenistandan qaçmışdı. Oktyabrın 20-də onun meyiti bir mənzildə tapılıb. Qadına kömək etmiş hüquq müdafiəçiləri onun ölümündə çeçenlərin əli olduğunu deyirlər. Baymuratovanın tanışlarının dediyinə görə, onun atası Çeçenistanda güc strukturlarında çalışıb, nənəsi isə Çeçenistanın birinci prezidenti Əhməd Kadırovun yaxın qohumudur.

Ayşat Ermənistana qaçandan sonra sosial şəbəkələrdə Kadırov rejimini, Çeçenistandakı patriarxal rejimi tənqid edirdi, harada yaşadığını gizlətmirdi.

Polis müşahidə kameralarının köməyi ilə Ayşatın meyitinin tapıldığı mənzildən çıxan iki nəfəri müəyyənləşdirib. Onlardan biri Ayşatın münasibət saxladığı Karina İminova, digəri isə terrorçuluğun maliyyələşdirilməsi üzrə məhkum edilmiş çeçen əsilli Səid-Həmzət Baysarovdur. 2019-cu ildə ona qarşı bütün ittihamlar qaldırılıb.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.