Ticarət obyektlərində istənilən bank kartı ilə bir terminalla ödəniş etmək mümkün olacaq. Bu barədə Parlamentin Maliyyə-Büdcə Komitəsinin sədri Paatа Kvijinadze “Ödəniş sistemləri və ödəniş xidmətləri haqqında” qanuna təklif olunan dəyişikliklərdən danışarkən bildirib.

Onun sözlərinə görə, bu, bütün bank kartlarını tanıyan və ödənişin ən ucuz, sürətli və optimal yolunu avtomatik seçən “ağıllı marşrutlaşdırma sistemi” olacaq.

Təklifin qüvvəyə minmə tarixi barədə danışan Kvijinadze qeyd edib ki, sistemin tətbiqi 2026-cı ilin aprelindən planlaşdırılır, lakin bu tarix müzakirə ediləcək və dəqiqləşdiriləcək.

“Bu, “ağıllı marşrutlaşdırmadır”. Yəni ödəniş zamanı sistem əməliyyatı həyata keçirərkən ən sürətli, ucuz və optimal yolu seçəcək. Sadə dillə desək, bu gün mağazada bir neçə bankın terminalı dayanır və bütün əməliyyatlar həmin bank vasitəsilə gedir. Yeni sistemdə isə tək terminal bütün kartları tanıyacaq və bankla birbaşa əlaqə olmadan, vəsait birbaşa mağazaya köçürüləcək.

Məsələn, əgər ödənişi elə bir kiçik bankın kartı ilə edirsənsə ki, onun öz ödəniş sistemi yoxdur, terminal avtomatik müəyyən edəcək ki, bu əməliyyat üçün hansı yol daha ucuz və sürətlidir. Xaricdə yəqin görmüsünüz — bir terminal verilir və istənilən kartla ödəniş etmək mümkündür,” — deyə Kvijinadze izah edib.

O əlavə edib ki, ağıllı sistemə uyğunlaşmaq üçün ödəniş xidməti provayderlərinə müəyyən vaxt veriləcək və Milli Bank bu mexanizmlərin hazırlanmasına məsul olacaq. Qanun layihəsinə əsasən, bu müddət aprelə qədər nəzərdə tutulub, amma bu, “dəyişməz qayda deyil” və müzakirələr açıq qalacaq.

Məlumat üçün: Parlamentdə hazırda “Ödəniş sistemləri və ödəniş xidmətləri haqqında” qanuna dəyişikliklərlə bağlı komitə müzakirələri keçirilir. Layihədən bəzi maddələr — məsələn, bank kartı ilə ödənişlərdə banklara yuxarı komissiya həddi qoyulması nəzərdə tutulan hissələr müvəqqəti olaraq çıxarılıb.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.