İrakli Qaribaşvilinin vəkilləri “TV Pirveli” ilə müsahibədə təsdiqləyirlər ki, Tbilisidə, Mosaşvili küçəsində yerləşən keçmiş baş nazirin mənzilinə qadağa qoyulub.

Amiran Qiquaşvilinin sözlərinə görə, o məhkəməyə vəsatətlə müraciət edib ki, Qaribaşviliyə tətbiq olunan 1 milyon larilik girov əmlakla əvəz edilsin.

“Vəkil olaraq məhkəməyə vəsatətlə müraciət etdim ki, cənab İrakliyə tətbiq olunmuş təminat tədbiri qanuna uyğun olaraq daşınmaz əmlakla

əvəz edilsin. [Yalnız bu mənziləmi həbs qoyuldu?] Bəli, bəli”, – vəkil Amiran Qiquaşvili “TV Pirveli”yə deyir.

“TV Pirveli”yə müsahibəsində Qaribaşvilinin digər vəkili, Lili Qelaşvili də təsdiqləyib ki, keçmiş baş nazir yaşadığı evi girov qoyub. Onun sözlərinə görə, Qaribaşvilinin atasının evindən də heç bir əşya götürülməyib.

“Həqiqətən də yaşadığı evi girov qoydu… Bir milyon deyil, ondan daha yüksək qiymətləndirilib, məbləği də üstələyir, amma həmin evi qoydu. Başqa formada və başqa şəkildə heç bir həbs tətbiq olunmayıb. […] Nə saat, nə də bircə əşya belə – orada göstərilən qızıl külçələr və insanların emosiyasına təsir etmək üçün yayılan digər məlumatlar – hamısı yanlış təsəvvür yaratmaq məqsədi daşıyırdı. Kimdən nə götürüldüyünə dair fərqləndirmə aparılmadı. Bir dənə də olsun əşya götürülməyib – nə İrakli Qaribaşvilinin evindən, nə də onun yaxınlarının, o cümlədən atasının evinə daxil olanda”, – deyə Lili Qelaşvili bildirir.

Onun sözlərinə görə, hazırkı mərhələdə prosessual razılaşma ilə bağlı danışıqlar aparılmır.

24 oktyabrda Tbilisi Şəhər Məhkəməsinin hakimi Eka Barbakadze İrakli Qaribaşvilinin barəsində qətimkan tədbiri olaraq 1 milyon lari məbləğində girov təyin edib, onun pasportunu müsadirə edib və ölkədən çıxmasına məhdudiyyət qoyub. Qaribaşvilinin girovu ödəməsi üçün 30 gün müddət müəyyən edilib.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.