Amerika investisiya şirkəti Carlyle, rus neft şirkəti Lukoil-in xarici aktivlərinin alınmasını nəzərdən keçirir.

Bu barədə məlumatı Reuters məsələ ilə bağlı 3 mənbəyə istinadən yayıb.

Agentliyin məlumatına görə, məsələ hazırda amerikanın fondu daxilində ilkin müzakirə mərhələsindədir və şirkət ABŞ-dan lisenziya almaq üçün müraciət etməyi planlaşdırır. Bu lisenziya ona sövdələşməni başa çatdırmağa və aktivlərə lazımi yoxlamanı aparmağa imkan verəcək.

Mənbələrdən birinin sözlərinə görə, şirkət artıq Lukoil-i planları barədə məlumatlandırıb, lakin hələ yekun qərar qəbul etməyib və mümkündür ki, alışdan imtina etsin.

Carlyle Group özəl kapital, aktivlərin idarə olunması və maliyyə xidmətləri sahəsində dünyanın ən böyük şirkətlərindən biridir. Reuters-in məlumatına əsasən, Carlyle 474 milyard dollar dəyərində aktivləri idarə edir.

1987-ci ildə Vaşinqtonda, Kolumbiya dairəsində əsası qoyulan şirkət 2023-cü ilin dekabrına olan məlumata görə, dörd qitədə yerləşən 28 ofisdə təxminən 2 200 əməkdaşa malikdir. 2012-ci ilin mayında Carlyle NASDAQ fond birjasında ticarətə başladı. Carlyle beş tərəfdaş tərəfindən butik investisiya bankı kimi yaradılıb. Bunlar: Uilyam E. Konvey (kiçik), Stiven L. Norris, Devid Rubenşteyn, Deniel A. D’Anielo və Qreq Rozenbaumdur. Təsisçi tərəfdaşlar şirkətə Nyu-Yorkda yerləşən və Tomas Karlylinin adını daşıyan “Carlyle” otelinin adını veriblər – məhz həmin oteldə Norris və Rubenşteyn yeni investisiya biznesinin yaradılmasını planlaşdırmışdılar.

Lukoil xarici aktivlərini 21 noyabra qədər satmalıdır — məhz həmin gün sövdələşmələrin tamamlanması üçün ABŞ Maliyyə Nazirliyi tərəfindən verilmiş lisenziyanın müddəti başa çatır.

Məlumat üçün: Lukoil dünya neftinin təxminən 2%-ni hasil edir ki, buna həm ölkədaxili, həm də beynəlxalq hasilat daxildir. Onun beynəlxalq aktivləri qlobal neft istehsalının 0.5%-dən çoxunu təşkil edir və 2024-cü ilin məlumatına görə, təxminən 22 milyard dollar dəyərində qiymətləndirilir. Lakin Moskvada Lukoil səhmləri artıq ardıcıl dörd həftədir ki, düşür — bu proses ABŞ-ın ötən ay sanksiya tətbiq etməsindən və şirkətin xarici aktivlərinin Gunvor-a satılması planının pozulmasından sonra başladı. Lukoil səhmlərinin qiyməti 4 900 rubla (61 dollar) qədər enib ki, bu da son 2.5 ilin ən aşağı göstəricisidir. Şirkətin səhmləri bir gün ərzində 4.6%, həftənin əvvəlindən 7.4%, 23 oktyabrdan — sanksiyalar tətbiq edilən gündən bəri isə 18.6% ucuzlaşıb. Nəticədə Rusiyanın ən böyük özəl neft şirkətinin bazar kapitallaşması 777 milyard rubl (təxminən 10 milyard dollar) azalıb.

Lukoil Avropada üç neftayırma zavoduna, Qazaxıstan, Özbəkistan, İraq, Meksika, Qana, Misir və Nigeriyada yerləşən yataqlarda isə paylara malikdir. Şirkət, həmçinin, ABŞ da daxil olmaqla, dünyanın müxtəlif ölkələrində yüzlərlə yanacaqdoldurma məntəqəsini idarə edir. Xarici neftayırma zavodları, Lukoil-in ümumi emal gücünün dörddə birini təşkil edən 5 000 yanacaqdoldurma məntəqəsi şəbəkəsini təmin edir.

Bununla belə, Qərbi Avropadan Latın Amerikasına qədər 11 ölkədə fəaliyyət göstərən Lukoil xarici bazarlarda demək olar ki, tam paraliz olub. Xüsusilə:

• İraqda, “Western Qurna-2” yatağında şirkət nə nağd pul, nə də neft formasında ödəniş ala bilir;
• Finlandiyada şirkətə məxsus Teboil yanacaqdoldurma şəbəkəsi yanacaqsız qalıb;
• Lukoil-in ticarət bölməsi – İsveçrədə qeydiyyatda olan Litasco tanker icarəsi və ödənişlərin işlənməsi imkanını itirib;

Hindistan və Çin neftayırma zavodları Lukoil neftini almaqdan imtina edirlər.


Bundan əlavə, sanksiyalar səbəbindən Lukoil-in aktivləri ABŞ sanksiyalarına qoşulmuş ölkələrin hökumətləri tərəfindən müsadirə oluna bilər — tıpkı Almaniyanın ölkədəki “Rosneft” aktivlərini faktiki olaraq konfiskasiya etməsi kimi. Nəticədə Lukoil öz karbohidrogen hasilatının 15–17%-ni itirə bilər.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.