Gələn ildən, yəni 2026-cı ildən etibarən, sosial cəhətdən aztəminatlı şəxslərin ictimai işlərdə məşğulluğunu nəzərdə tutan dövlət proqramı dayandırılır.

Bu proqram çərçivəsində məşğul olan şəxslər dövlət tərəfindən əlavə 300 lari alırdılar. Analitiklərin fikrincə, proqram fundamental çatışmazlıqlara malik idi.

Gürcüstan hökuməti bu proqramın başladılmasını 2022-ci ilin əvvəlində, İrakli Qaribaşvilinin baş nazirliyi dövründə elan etmişdi. Proqram 2022-ci ilin mart ayından fəaliyyətə başlamışdı.

Statistika

• Sosial Xidmətlər Agentliyinin son məlumatına görə, 2025-ci ilin oktyabr ayında 461 796 nəfər sosial müavinət alırdı;
• Əlavə olaraq 246 449 sosial cəhətdən aztəminatlı şəxs var idi ki, onların 4 il müddətinə sosial statusu zəmanətli şəkildə qorunurdu;
• Bu o demək deyil ki, həmin 246 449 nəfərin hamısı işlə təmin olunmuşdu – buraya həm proqramla çalışanlar, həm də onların ailə üzvləri daxildir;
• 2025-ci ilin aprel ayında Məşğulluq Agentliyinin hesabatına əsasən, 2022–2024-cü illər ərzində bu proqram vasitəsilə 40 minə yaxın sosial cəhətdən aztəminatlı şəxs işlə təmin edilib.

Büdcə

Proqramın büdcəsi 2022-ci ildə 48 milyon lari idi, növbəti ildə demək olar ki, iki dəfə artdı. 2025-ci ildə 113 milyon lariyə qədər yüksəldi, 2026-cı ilin büdcəsinin hazırkı son işçi versiyasında isə proqram üçün ayrılan vəsait 21 milyon lariyə endirilib.

Maliyyə Nazirliyi izahat qeydində bildirir ki, proqramın dördillik dövrü artıq başa çatıb. Çünki, proqrama qoşulan benefisiarların sosial statusu 4 il müddətinə zəmanətli şəkildə qorunurdu, əks halda isə bu zəmanət mövcud olmazdı və status yenidən yoxlanılmalı idi.

Səbəb: “Əmək bazarında kadr çatışmazlığı”

Nazirlik əlavə əsas kimi onu da göstərir ki, son illərdə yüksək iqtisadi artımla paralel olaraq əmək bazarında işçi qüvvəsi çatışmazlığı müşahidə olunur.
Ayrılan yeni vəsait proqramın benefisiarlarının müxtəlif peşə hazırlığı və yenidən ixtisasartırma proqramları vasitəsilə özəl sektorda işlə təmin olunmasına yönəldiləcək.

Bu barədə 2 dekabr tarixində Maliyyə nazirinin müavini Qiorqi Kakauridze BMG nəşrinə müsahibəsində də bildirib:
“Bu proqramın başladığı dövrlə müqayisədə bu gün əmək bazarında əksinə, kadr çatışmazlığı yaranıb. Həmin vaxt pandemiya səbəbindən işsizlik artmışdı. Bu gün isə əmək bazarında defisit var. Bir çox şirkət bunu əsas problemlərindən biri kimi göstərir. Belə olan halda, insanları ictimai işlərə cəlb edib əmək bazarında daha da böyük çatışmazlıq yaratmaq düzgün olmaz”.

İrakli Kobaxidzenin açıqlaması

İrakli Kobaxidze 26 noyabr tarixində Parlamentdə çıxışı zamanı da əmək bazarında işçi çatışmazlığından danışıb. O, universitetlərdə 3+1 sisteminin (bakalavriatın 4 il əvəzinə 3 il olması) tətbiqini də bu məsələ ilə əlaqələndirib:
“Tələbələrin təhsili bir il əvvəl bitirməsi ilə ölkədə əmək bazarı təxminən 30 000 nəfər artacaq. Yəni 30 min gənc əmək bazarına qoşulacaq”.
Proqramın “çatışmazlıqları”

“Sosial Ədalət Mərkəzi”nin 2024-cü il araşdırmasına əsasən, proqramın dizaynında “fundamental xarakterli ciddi nöqsanlar” mövcuddur. Bu isə əsas məqsədə – sosial cəhətdən aztəminatlıların sayının mərhələli şəkildə azaldılmasına mane olurdu.

“Proqram elə risklidir ki, müavinətlərdən asılı olan əhalini açıq əmək bazarında işə çıxmağa lazımi səviyyədə motivasiya edə bilməyə bilər”, – deyə təşkilat bildirib.
Hökumətin ilkin planına görə, proqram sosial müavinət alanların sayının azaldılmasına da xidmət etməli idi.
“Sosial cəhətdən aztəminatlı şəxslərin ictimai işlərdə məşğulluğu proqramı sosial balların yoxlanılması üzrə tətbiq edilmiş moratoriumdan yumşaq və ağrısız çıxış üçün vacibdir”, - sosial müdafiənin sabiq naziri Zurab Azaraşvili 2023-cü il 23 sentyabrda Parlamentdə çıxışı zamanı demişdi.

Müxalifətin tənqidi

Müxalif deputat Beka Liluaşvili bildirirdi ki, bələdiyyələrin İHHŞ və AİP-lərində tamamilə funksiyasız vakansiyalar yaradılıb, baxmayaraq ki, həmin müəssisələrdə artıq əməkdaşların həddən artıq çoxluğu mövcud idi.

Məsələn, Çxorotsku bələdiyyəsinin Taia kənd məktəbində, harada ki:
• 23 müəllim və
• 73 şagird var,
orada əlavə olaraq aşağıdakı vəzifələr yaradılıb:
• 5 təmizlik işçisi;
• 2 gözətçi;
• 2 süpürgəçi;
• yaşıllaşdırma üzrə işçi;
• texniki təsərrüfat işçisi;
• kitabxanaçı köməkçisi.

2022-ci ilin sentyabr ayının sonuna olan məşğulluq statistikası
• 3 886 qəbiristanlıq baxıcısı;
• 7 119 süpürgəçi;
• 3 216 təmizlik işçisi;
• 856 gözətçi;
• 1 766 köməkçi/baxıcı.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.