"Gürcü Arzusu"nun deputatı, Lado Bojadze, BBC-nin araşdırmasına münasibət bildirib.

Bojadze deyib ki, onun fikrincə, Vaxtanq Qomelaurinin sorğu-sualından əvvəl keçmiş hökumətin daxili işlər naziri Vano Merabişvili də çağırılmalıdır.

“Məncə, DTX Vaxtanq Qomelaurini sorğu-sual etməzdən əvvəl Vano Merabişvilini çağırmalı və sorğu-sual etməlidir, eləcə də keçmiş prezident Mişel Saakaşvilini də sorğu-suala cəlb etməlidir. Gözləyək, bəlkə, DTX bununla başlayar […]

Kimin sorğu-sual olunacağını lazım bilir və kimlərlə bağlı suallar yaranırsa, hamı sorğu-suala çağırılmalıdır […] Vano Merabişvilinin xatırlaması lazımdır ki, nə alıb? Bütün alış-veriş sənədləri mövcuddur […] Bu qədər səs-küy qalxdı, bəs niyə Vano Merabişvili hələ də susur? Hamı bilir ki, onun vaxtında alınıb […] Məlumatın ilkin mənbəyi Vano Merabişvilidir […] Vaxtanq Qomelauri də çağırılmalıdır və Vano Merabişvili də. Hamı çağırılmalıdır ki, sorğu-sualdan ictimaiyyətə həqiqət haqqında daha çox məlumat çatdıra bilsin” – deyə Bojadze jurnalistlərə bildirib.

Məlumat üçün, BBC əldə etdiyi sübutlara əsaslanaraq yazır ki, keçən il “Gürcü Arzusu” rejimi hökumət əleyhinə və Avropa tərəfdarı etiraz aksiyalarını dağıtmaq üçün Birinci Dünya Müharibəsi dövrünə aid kimyəvi silahdan istifadə edib.

İvanişvilinin nümayəndəsi, Irakli Kobaxidze, BBC-nin araşdırması barədə danışarkən bildirib ki, 2009-cu ildə Vano Merabişvili müəyyən bir həlledici toz alıb.

O zamana qədər, Vaxtanq Qomelauri, BBC materialında qeyd olunan aksiyaların dağıdıldığı dövrdə daxili işlər naziri və məsul şəxs olaraq, propqanda mediasının məlumatına görə, təsdiqləyib ki, DİN-in əslində “kamit” adlı kimyəvi maddəsi olub, amma onun sözlərinə görə, bu maddə əvvəlki hökumət tərəfindən 2012-ci ilə qədər istifadə olunub. Qomelauri deyib ki, o vaxtdan sonra qurum həmin maddəni almayıb və istifadə etməyib.

Mənbə: Tabula

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.