Hakimiyyətdə olan “Gürcü Arzusu” yenidən toplantılar və nümayişlər haqqında qanunu sərtləşdirir və aksiyaya çıxanları öhdəlikləndirir ki, polisi mitinqdən beş gün əvvəl xəbərdar etsinlər. 8 dekabrda parlament bürosunun iclasında qeydiyyatdan keçmiş qanun layihələri paketini “Azadlıq Radiosu” əldə edib.

Qanun layihəsinə əsasən, əgər aksiya insanların və ya nəqliyyatın hərəkət hissəsində keçirilirsə, təşkilatçı (məsul şəxs) aksiya keçiriləcək yerə uyğun olaraq Daxili İşlər Nazirliyinin Patrul Departamentinə yazılı şəkildə müraciət etməyə borclu olacaq. Hazırkı qanuna görə, nümayişçilərin belə öhdəliyi yoxdur.

Polisin yazılı şəkildə xəbərdar edilməsi o demək deyil ki, DİN onlara aksiya və ya yürüş keçirmək icazəsi verəcək: qurum “xəbərdarlıq” yayımlaya və ya nümayişçilərə “alternativ vaxt və/və ya yer” təklif edə bilər.

Əgər aksiya spontan qaydada planlaşdırılarsa, təşkilatçı plan barədə polisə dərhal məlumat verməlidir.

“Toplantı və ya nümayiş iştirakçıları tərəfindən nəqliyyatın və ya insanların hərəkət hissəsinin qismən və ya tam bağlanması halında, iştirakçıların sayını nəzərə alaraq aksiya başqa cür də keçirilə biləcəyi təqdirdə, Gürcüstan Daxili İşlər Nazirliyi nəqliyyatın və ya insanların hərəkət hissəsinin açılması və/və ya hərəkətin bərpası barədə qərar qəbul etmək hüququna malikdir. [Əgər] müəyyən edilmiş öhdəlik yerinə yetirilməzsə, yaxud yerinə yetirilsə də, xəbərdarlıqdan sonrakı 15 dəqiqə ərzində kütləvi qanun pozuntusu dayanmazsa, bütün toplantı və ya nümayiş qanunsuz hesab olunur. Bu halda Gürcüstan Daxili İşlər Nazirliyi toplantının və ya nümayişin dayandırılması barədə qərar qəbul etmək və beynəlxalq hüquq və Gürcüstan qanunvericiliyi ilə nəzərdə tutulmuş tədbirlərə əl atmaq hüququna malikdir”, - qanun layihəsində yazııb.

Əgər polis hesab etsə ki, nümayiş yeni qanunu pozur, “qanun pozuntusunu dayandırmaq üçün” aksiyaya 15 dəqiqə vaxt veriləcək. Bundan sonra məsuliyyət tətbiq olunacaq.

“Gürcü Arzusu”nun liderlərindən biri, İrakli Kirtsxalia bildirib ki, qaydanı pozanlara ilk mərhələdə 15 günədək (təşkilatçıya isə 20 günədək) inzibati həbs tətbiq olunacaq, təkrar hal olarsa, cinayət işi açılacaq.

Gürcüstanda fasiləsiz nümayişlər ötən ilin 28 noyabrından bəri davam edir. Minlərlə insan küçəyə çıxmasına səbəb hökumətin baş naziri İrakli Kobaxidzenin bəyanatı oldu — o dedi ki, hakimiyyət qarşıdakı dörd il ərzində ölkənin Avropa ilə inteqrasiyası üçün vacib danışıqlar məsələsini gündəliyə çıxarmayacaq.

Bundan sonra “Gürcü Arzusu” ifadə azadlığını yeni qanunlarla dəfələrlə məhdudlaşdırıb. O cümlədən mitinqə tibbi maska ilə gəlmək, pirotexnika istifadə etmək qadağan edilib. Həmçinin yolu təkrar bağlamağa görə cinayət məsuliyyəti tətbiq edilib.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.