Tədris ilində dövlət universitetlərinin nə qədər tələbə qəbul edə biləcəyini hər il hökumət özü müəyyən edəcək.

Bu barədə hökumət tərəfindən parlamentə təqdim olunan, ali təhsil haqqında qanuna dəyişikliklər nəzərdə tutan qanun layihəsində qeyd olunur.

Məlum olduğu kimi, gələn ildən “Gürcü Arzusu”nun qərarı ilə dövlət qrantı sistemi ləğv edilir. Dövlət universitetinə qəbul ola bilən tələbə büdcə vəsaiti hesabına – yəni pulsuz təhsil alacaq. Əgər tələbə özəl universitetə daxil olarsa, onun təhsilini artıq dövlət maliyyələşdirməyəcək. Digər tərəfdən, hakim partiya “bir fakültət – bir şəhər” prinsipini tətbiq etməyi planlaşdırır. Yəni şərti olaraq hüquq fakültəsi dövlət universitetlərində yalnız Tbilisidə, jurnalistika isə yalnız Kutaisidə əlçatan ola bilər və s. Ümumi olaraq neçə tələbənin büdcə hesabına təhsil ala biləcəyi isə hələlik məlum deyil. Analitiklər və ekspertlər ölkədə tələbə sayının əhəmiyyətli dərəcədə azalacağını gözləyirlər.

“Universitetlərdə tələbə qəbulunda kvotaların bölgüsü hazırda əmək bazarının mövcud və potensial tələblərinin dərin təhlilinə əsaslanmır. Buna görə də qanun layihəsi ilə müəyyən edildi ki, Gürcüstan hökuməti, Təhsil, Elm və Gənclər Nazirliyinin təqdimatı əsasında, dövlət tərəfindən təsis olunmuş ali təhsil müəssisələrinə vahid milli/magistratura imtahanları ilə, həmçinin bu imtahanlar olmadan qəbul ediləcək tələbələrin sayını hər il təsdiq edəcək — həm universitet üzrə, həm də konkret təhsil proqramları (kurikulumlar) üzrə. Bundan əlavə, qanun layihəsində qeyd olunub ki, hökumət dövlət ali məktəblərinin maliyyələşmə qaydalarını və şərtlərini təsdiqləyəcək”, - qanun layihəsində deyilir.

Qanun layihəsinə əsasən, Gürcüstan hökuməti Təhsil Nazirliyi vasitəsilə dövlət universitetlərinə hansı təhsil proqramlarını (kurikulumları) həyata keçirməyə icazə veriləcəyini də müəyyən edəcək.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.