Dünən, 11 dekabrda, “Gürcü Arzusu” ifadə azadlığını daha da məhdudlaşdıran qanun layihəsini iki gün ərzində qəbul etdikdən sonra, Mixeil Kavelaşvili həmin dəyişiklikləri imzalayıb.

Kavelaşvilinin imzasından sonra qanun qanunvericilik bülletenində dərc olunub və qüvvəyə minib.

10 dekabrda, mübahisəli Parlament qanun layihəsini sürətləndirilmiş qaydada müzakirə etdi və üçüncü – yekun oxunuşda qəbul etdi. Bu qanun layihəsinə görə, “xalqın və ya nəqliyyatın hərəkət zolağında” aksiya keçirmək üçün polisin 5 gün əvvəlcədən xəbərdar edilməsi məcburi oldu.

Beləliklə, “Gürcü Arzusu” 28 noyabr ötən ildən bəri fasiləsiz şəkildə yeni parlament seçkiləri tələb edən etirazçılar üçün qanunu bir daha sərtləşdirdi.

Yeni qanuna əsasən, əgər aksiya “yolun insanlar və ya nəqliyyatın hərəkət etdiyi hissəsində” keçiriləcəksə, təşkilatçı (məsul şəxs) aksiya yerinə uyğun olaraq Daxili İşlər Nazirliyinin Patrul Departamentinə yazılı müraciət etməlidir.

“Daxili İşlər Nazirliyi aksiya iştirakçılarının sayını nəzərə alaraq, hərəkət hissəsinin açılması və/və ya nəqliyyat və insanların hərəkətinin bərpa edilməsi barədə qərar qəbul etməyə səlahiyyətlidir, əgər aksiyanın və ya nümayişin keçirilməsi başqa şəkildə mümkündürsə”, - qanunda yazılıb.

Əgər polis hesab etsə ki, aksiya bu qaydanı pozur, “qanun pozuntusunun dayandırılması üçün” 15 dəqiqə vaxt verəcək. Bundan sonra təşkilatçı məsuliyyətə cəlb olunacaq.

• Gürcüstanda fasiləsiz nümayişlər ötən ilin 28 noyabrından bəri keçirilir. Minlərlə insan küçələrə “Gürcü Arzusu” hökumətinin baş naziri İrakli Kobaxidzenin bəyanatından sonra çıxmışdı – o demişdi ki, hökumət növbəti dörd il ərzində ölkənin Avropa ilə inteqrasiya üçün zəruri danışıqlar məsələsini qaldırmayacaq.
• Bu müddətdən sonra “Gürcü Arzusu” ifadə azadlığını yeni qanunlarla dəfələrlə məhdudlaşdırıb. O cümlədən, aksiyaya tibbi maska ilə gəlmək, pirotexnika istifadə etmək qadağan olunub, yolun təkrar bağlanmasına görə cinayət məsuliyyəti tətbiq edilib.

Elə 10 dekabrda, mübahisəli parlamentin sürətləndirilmiş qaydada qəbul etdiyi qanuna cavab olaraq, vəkil Kaxa Tsixarişvili Daxili İşlər Nazirliyinə müraciət edərək bildirib ki, parlamentin qarşısında, “xalqın hərəkət hissəsində” aksiya keçiriləcək və bu, insanların hərəkət hissəsinin qismən bağlanmasına səbəb olacaq.”


“Parlamentin qarşısındakı ərazi bron edilib. Hər gün üçün ayrıca müraciət təqdim olunub. Dekabrın 19-dək səkidə istədiyimiz kimi etiraz edə bilərik”, - deyə Kaxa Tsixarişvili Facebook-da paylaşım edib.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.