“Gürcü Arzusu” hökumətinin rəhbəri İrakli Kobaxidze Türkmənistanda “Aşqabad Forumu” çərçivəsində Türkmənistan Prezidenti

Serdar Berdimuhəmmədov və Azərbaycan Respublikasının Baş naziri Əli Əsədovla görüşüb. Həmin foruma Rusiya Prezidenti Vladimir Putinin də qatılması planlaşdırılır.

İrakli Kobaxidze dünən, 11 dekabrda, Sülh və Etimadın Beynəlxalq İli münasibətilə keçirilən beynəlxalq foruma yola düşüb. Forum Türkmənistanın neytrallıq statusunun 30 illiyi ilə əlaqədar təşkil olunur. Bu, onun həmin ölkəyə bu ilki üçüncü səfəridir.

Bundan başqa, Əsədov və Kobaxidze arasında görüş — Azərbaycanın hakimiyyətə yaxın mediasında Gürcüstanın Azərbaycandan Ermənistana neft məhsullarının daşınması üçün “ton başına 92 dollarlıq tarif tətbiq etməsi” barədə yayılan məlumatlardan və bunun Bakıda narazılıq yaratmasından sonra, iki ölkənin yüksək səviyyəli rəsmiləri arasında ilk görüşdür.

Rəsmi məlumatlarda liderlərin bu məsələni müzakirə edib-etmədiyi barədə heç nə deyilmir.

Berdimihəmmədovla görüş – “Orta Dəhliz”

Hökumət Administrasiyasının məlumatına görə, İrakli Kobaxidze və Sərdar Berdimihəmmədov iki ölkə arasındakı siyasi və iqtisadi əlaqələri müzakirə ediblər.

“Söhbət tranzit-logistika sahəsində əməkdaşlığın dərinləşdirilməsindən və Orta Dəhliz vasitəsilə Mərkəzi Asiyadan Gürcüstanın dəniz limanlarına əlavə yüklərin cəlb edilməsi potensialından gedib”, - məlumatda deyilir.

İrakli Kobaxidzenin Facebook səhifəsinin məlumatına görə, o, “Türkmən qazının Gürcüstan ərazisindən tranzitinə Gürcüstanın dəstək göstərməyə hazır olduğunu” bildirib. Bundan əlavə:
• Türkmənistan prezidentinə “Gürcüstanın ərazi bütövlüyü və suverenliyinə, həmçinin işğal olunmuş ərazilərin tanınmaması siyasətinə dəstəyə görə” təşəkkür edib;
• Hər iki tərəf “ikili və çoxtərəfli formatlarda əməkdaşlığın daha da dərinləşdirilməsinə” hazır olduqlarını bildirib.
İrakli Kobaxidze Sərdar Berdiməhəmmədovu Gürcüstana rəsmi səfərə dəvət edib.
• Türkmənistan dünyanın ən qapalı ölkələrindən biridir. Prezident Sərdar Berdiməhəmmədovdur — ölkəni 15 il təkbaşına idarə etmiş keçmiş prezident Qurbanqulu Berdiməhəmmədovun oğludur (2006–2022).
• 2022-ci ildə prezidentlik səlahiyyətlərini oğluna ötürdükdən sonra, Qurbanqulu Berdiməhəmmədov geniş səlahiyyətlərini saxlayıb və ölkənin ali nümayəndəli orqanı olan Halk Maslahaty-nin sədri olaraq qalıb.

Əli Əsədovla görüş

İrakli Kobaxidzenin Facebook səhifəsində yazılanlara görə, Azərbaycan Baş naziri Əli Əsədovla görüşdə “Gürcüstan və Azərbaycan arasında mövcud strateji tərəfdaşlıq və müxtəlif sahələrdə əməkdaşlığın dinamik inkişafı” müzakirə olunub.

“Artan ticarət-iqtisadi əməkdaşlıq və Gürcüstan ilə Azərbaycan tərəfindən birgə həyata keçirilən regional layihələr vurğulandı. Biz Orta Dəhlizin inkişafının əhəmiyyəti və bu istiqamətdə əməkdaşlığın daha da genişləndirilməsi perspektivləri, həmçinin enerji təhlükəsizliyi sahəsində regional əməkdaşlığın gücləndirilməsi barədə danışdıq. Mən bir daha təsdiqlədim ki, Gürcüstan dialoq yolu ilə regionda uzunmüddətli sülhün və sabitliyin təmin olunmasına töhfə verməyə hazırdır. Gürcüstan və Azərbaycan möhkəm müttəfiqlər olaraq qalır və regional sülhü və sabitliyi dəstəkləmək üçün əməkdaşlığı davam etdirirlər. Biz strateji tərəfdaşlığın dərinləşdirilməsi ideyasına sadiqik”, - Kobaxidze social şəbəkədə paylaşıb.

Bu görüşdən 3 gün əvvəl Gürcüstanın İqtisadiyyat Nazirliyi bəyan etmişdi ki, qonşu ölkələr Azərbaycandan Ermənistana yanacağın “birdəfəlik idxalı” ilə bağlı xahişlə müraciət ediblər və dövlət bunu “tamamilə pulsuz” həyata keçirəcək.

Bu açıqlama “Gürcü Arzusu” hökumətinin Azərbaycan hökumətyönlü mediasında yayılan — Azərbaycandan Ermənistana neft məhsullarının daşınması üçün Gürcüstanın ton başına “92 dollarlıq tarif tətbiq etməsi” barədə xəbərlərə reaksiyasıdır. Azərbaycan mediası həmin tarifi ədalətsiz dərəcədə yüksək qiymət kimi təqdim edirdi.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.