“Gürcü Arzusu”nun baş naziri İrakli Kobaxidze Türkmənistanda Qazaxıstanın prezidenti Kasım-Jomart Tokayevlə görüşüb.

Məlumatı Kobaxidzenin administrasiyası yayıb.

Onların bildirdiyinə görə, Sülh və Etimada Həsr olunmuş Beynəlxalq İl çərçivəsində keçirilən beynəlxalq forum zamanı baş tutmuş görüşdə tərəflər iki ölkə arasında mövcud siyasi-iqtisadi əlaqələr və müxtəlif sahələrdə uğurlu əməkdaşlıq barədə danışıblar.

Administrasiyanın məlumatına əsasən, İrakli Kobaxidze Qazaxıstan prezidentinə ikitərəfli münasibətlərin daha da dərinləşdirilməsi istiqamətində hazırlığını təsdiqləyib.

“Biz region ölkələri arasında əməkdaşlığa xüsusi əhəmiyyət veririk. İqtisadi əməkdaşlıq da xüsusi önəm daşıyır. Ölkələrimiz arasında sıx münasibət böyük potensiala malikdir və marağımız ondadır ki, mövcud böyük potensial maksimum istifadə olunsun. Sizin bu məsələyə xüsusi diqqətiniz iki ölkə arasındakı əməkdaşlıqda da özünü göstərir”, – deyə Kobaxidze bildirib.

Qazaxıstan prezidenti görüş zamanı ikitərəfli münasibətlərin gələcək inkişaf perspektivlərini vurğulayıb.

“Biz Gürcüstanı çox yüksək qiymətləndiririk və onu bir çox istiqamətlərdə bizim üçün çox mühüm tərəfdaş hesab edirik. Gürcüstan böyük perspektivlərə malik tərəfdaşdır və nəqliyyat-logistika sahəsində çox böyük potensiala sahibdir. Məhz bu istiqamət bu gün əsas hərəkətverici qüvvədir və digər sektorlar üçün də böyük təsirə malikdir. Əməkdaşlığımız və tərəfdaşlığımız gələcəkdə daha da inkişaf edəcək və bunun üçün kommunikasiya gücləndiriləcək. Bu həm siyasi, həm də iqtisadi müstəviyə aid olacaq”, – deyə Kasım-Jomart Tokayev bildirib.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.