Tbilisi Dövlət Universiteti (TDU) VII korpusu (8 385 kv.m) dövlətə ödənişsiz verib.

Bu faktı həm TDU-nun Nümayəndəlik Şurasının iclas protokolu, həm də Dövlət Reyestrindən çıxarış təsdiqləyir. TDU-nun VII korpusu Ketevan Tsamebuli prospektində yerləşir.

Bu məlumat ilk dəfə “Nodar Meladzenin Şənbəsi” verilişinin anonsunda səsləndirilib.

Dövlət Reyestrinin məlumatına görə, 13 noyabr tarixində əmlakın ödənişsiz mülkiyyətə verilməsi (bağışlama) haqqında müqavilə bağlanıb. 9 dekabr tarixinə olan məlumata əsasən, əmlak artıq TDU-nun mülkiyyətində deyil və dövlət mülkiyyətinə keçib.

10 oktyabrda keçirilən şura iclasında 47 lehinə, 7 əleyhinə səslə universitetin əmlakının dövlətə verilməsinə razılıq verilib. Bunun əvəzində universitetə tələbə yataqxanası və tədris korpusunun tikilməsi şərti irəli sürülüb.

Dövlətə verilən əmlakın, ehtimal ki, Qara Dəniz Universitetinə (IBSU) ötürüləcəyi bildirilir.

Bu qərardan əvvəl nə baş vermişdi?

1 sentyabrda Bələdiyyə İnkişaf Fondu rəsmi məktubla Gürcüstan Milli Universitetinə (SEU) məlumat verib ki, ona məxsus olan “Qara Dəniz Beynəlxalq Universiteti” MMC-yə aid daşınmaz əmlak yeni stadionun tikinti zonasına düşür. Fond SEU-dan torpaq sahəsinin dəyişdirilməsi ilə bağlı mövqeyini soruşub.
2 sentyabrda Qara Dəniz Beynəlxalq Universiteti aeroport yolunda yerləşən 101 221 kv.m-lik əraziyə əvəz olaraq, 14 dəfə daha kiçik olan TDU-nun 7-ci korpusunun ərazisinə maraq göstərib.

5 sentyabrda Təhsil Nazirliyi Dövlət Əmlakının İdarə Edilməsi Agentliyinə bildirib ki, qurum “yuxarıda qeyd olunan daşınmaz əmlakın yerinin dəyişdirilməsinə – xüsusi dövlət əhəmiyyətli və ictimai zərurət daşıyan layihənin həyata keçirilməsini təmin etmək məqsədilə – etiraz etmir”.

6 oktyabrda Təhsil Nazirliyi ərazinin verilməsi tələbi ilə TDU-ya müraciət edib və əvəzində tələbə yataqxanası və tədris korpusunun tikiləcəyini vəd edib.
Nazirliyə TDU administrasiyasının rəhbəri Laşa Saqinadze cavab verərək bildirib ki, “universitet qeyd olunan məsələnin universitetin Nümayəndəlik Şurasının iclasında müzakirə edilməsinə etiraz etmir”.

10 oktyabr tarixli iclasda TDU-nun Nümayəndəlik Şurası səs çoxluğu ilə 7-ci korpusun dövlətə verilməsini dəstəkləyib.

Qara Dəniz Beynəlxalq Universiteti MMC-nin sahibi Gürcüstan Milli Universitetidir (SEU). SEU-nun sahibi və rektoru isə Qia Kavtelaşvilidir.
Məlumat üçün qeyd edək ki, şuranın 2024-cü il qərarına əsasən, 7-ci korpusun yerində, universitet kitabxanasının qarşısında tələbə yataqxanası, tədris korpusları və idman zalının tikilməsi planlaşdırılırdı.
______________________________________
İrakli Kobaxidzenin bəyanatına görə, ali təhsil islahatı çərçivəsində universitet binalarının bir hissəsinin satılması planlaşdırılır.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.