Gürcüstan Gənc Hüquqşünaslar Assosiasiyası (GGHA) Konstitusiya Məhkəməsinə parlament üzvlərinin təqdim etdiyi konstitusiya iddiası üzrə

“məhkəmənin dostu” (Amicus Curiae) rəyini təqdim edib. Həmin iddia ilə aşağıdakı siyasi partiyaların qadağan edilməsi tələb olunur:

“Birlik – Milli Hərəkat”, “Koalisiya Dəyişikliklər naminə : Qvaramia, Melia, Qirçi, Droa” və “Güclü Gürcüstan – Lelo, Xalq üçün, Azadlıq üçün”.
Bu barədə məlumatı GGHA sosial şəbəkələrdə yayıb.

Assosiasiyanın izahına görə, məhkəmə üçün mühüm məsələ ondan ibarətdir ki, siyasi partiyaların qadağan edilməsi məsələsi son dərəcə ağır siyasi kontekst şəraitində müzakirə olunur.

Bəyanatda qeyd olunur ki, sənəd birləşmə azadlığının məhdudlaşdırılmasının ən sərt forması ilə bağlı beynəlxalq standartları və milli qanunvericilik çərçivəsini təhlil edir.

İnsan Hüquqları üzrə Avropa Məhkəməsinin mövqeyinə əsasən, təcili ictimai zərurətin əsaslandırılması ilə yanaşı, məhkəmə partiyanın qadağan edilə biləcəyi tarixi konteksti də nəzərə almalıdır. Bu baxımdan, məhkəmə aşağıdakı xüsusiyyətlərlə xarakterizə olunan ağır siyasi mühitin mövcudluğunu nəzərə almalıdır:
• hakimiyyətin bir partiyanın əlində cəmlənməsi;
• demokratik plüralizm prinsiplərinin tədricən aşınması;
• müxalif siyasi partiyalara və müstəqil vətəndaş cəmiyyətinə qarşı sistemli təzyiqlər;
• hüquqi çərçivənin dar partiya maraqları üçün alətə çevrilməsi.

Bəyanatda vurğulanır ki, iddiaçı tərəfin tez-tez istinad etdiyi “müdafiə olunan demokratiya” anlayışı demokratik sistemin, demokratiyanın mexanizmlərindən istifadə edərək onun əsas prinsiplərini dağıtmağa çalışan anti-demokratik qüvvələrə qarşı özünü qorumaq üçün qabaqlayıcı, qeyri-liberal tədbirlərə əl atmasını nəzərdə tutur. Lakin bu konsepsiya yalnız o halda məna kəsb edir ki, siyasi sistemin özü demokratik xarakterini saxlasın. Əgər rejim demokratik mahiyyətini itirirsə və bu anlayışı siyasi opponentlərə qarşı istifadə edirsə, “müdafiə olunan demokratiya” hüquqi əsasını itirir və siyasi motivli repressiyanın alətinə çevrilir.

İnsan Hüquqları üzrə Avropa Məhkəməsi açıq şəkildə bildirir ki, siyasi partiyanın qadağan edilməsi birləşmə azadlığının ən ağır məhdudlaşdırma formasıdır və yalnız son dərəcə istisna hallarda, ən son tədbir kimi tətbiq oluna bilər. Partiyanın qadağan edilməsi yalnız demokratiya əleyhinə yönəlmiş təşkilatlanmış və məqsədli fəaliyyət olduqda əsaslandırıla bilər. Ayrı-ayrı şəxslərin fərdi bəyanatları və ya hərəkətləri əsasında bütöv partiyanın məsuliyyətə cəlb edilməsi yolverilməzdir. Eyni zamanda, bir partiya yalnız ideyalarının cəmiyyətin bir hissəsi üçün qeyri-populyar və ya təhqiramiz olması səbəbindən qadağan edilə bilməz.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.