Parlament sürətləndirilmiş qaydada baxaraq “Gürcü Arzusu” deputatlarının nəqliyyat vasitəsini idarəetmə hüququnun vaxtından əvvəl bərpası

və bu hüququn dayandırılması ilə bağlı məsələləri əhatə edən təşəbbüsünü birinci oxunuşda dəstəklədi.

“İnzibati Xətalar Məcəlləsi”nə edilən dəyişikliklər 85 səslə, yekdilliklə birinci oxunuşda qəbul edildi.

Layihəyə əsasən, inzibati xəta törətmiş şəxslərə sürücülük hüququnun vaxtından əvvəl bərpasına imkan verən bütün normalar Məcəllədən çıxarılır.

Eyni zamanda, layihə nəzərdə tutur ki, 2025-ci il 10 dekabr tarixinədək “İnzibati Xətalar Məcəlləsi”nin 116 və 123-cü maddələri ilə müəyyən edilmiş inzibati xətanı törətmiş şəxslər birdəfəlik tədbir çərçivəsində sürücülük hüququnun dayandırılmasından azad ediləcəklər, lakin buna baxmayaraq cəzalandırılmış şəxs hesab olunacaqlar.

İnzibati cəzadan – sürücülük hüququnun dayandırılmasından azad olunmaq üçün şəxsin müvafiq orqana və ya vəzifəli şəxsə müraciət etməsi tələb olunmur. Bu azadetmə 2026-cı il 1 fevral tarixinədək icra edilməlidir.

Layihənin keçid müddəalarına əsasən, 2025-ci il 16 dekabr tarixinədək Məcəllənin 45-ci, 45/1-ci və ya 115/2-ci maddələri ilə müəyyən edilmiş inzibati xətanı törətmiş şəxslər də birdəfəlik olaraq sürücülük hüququnun dayandırılmasından azad ediləcəklər.

„İndiyə qədər qeyd olunurdu ki, 2025-ci il dekabrın 10-dək müvafiq xətalar və ya cinayətlər törətmiş və buna görə də nəqliyyat vasitəsini idarəetmə hüququndan məhrum edilmiş şəxslər... İndi isə 16 dekabr, yəni dünənki tarix göstərilir. Dünən də daxil olmaqla, sürücülük vəsiqəsi əlindən alınmış şəxslərə vəsiqələri mərhələli şəkildə geri qaytarılacaq“, – bu barədə Hüquq komitəsinin iclasında Arçil Qorduladze bildirib.

• 45-ci maddə – narkotik vasitənin, onun analoqunun və ya prekursorun az miqdarda qanunsuz hazırlanması, alınması, saxlanması, daşınması, göndərilməsi, həkim təyinatı olmadan istifadəsi və ya yoxlamadan yayınma;
• 45/1-ci maddə – az miqdarda çətənə və ya marixuananın qanunsuz alınması, saxlanması, daşınması, istifadəsi və ya təsiri altında olmaq;
• 115/2-ci maddə – nəqliyyat vasitəsini idarə edərkən sürücünün narkotik, psixotrop və ya yeni psixoaktiv maddənin təsiri altında olub-olmadığını müəyyən etmək üçün yoxlamadan yayınması.

Bu hallarda şəxs Daxili İşlər Nazirliyinin Xidmət Agentliyinə sürücülük hüququnun bərpası üçün müraciət etməlidir. Bərpa dövlət ekspertiza müəssisəsi tərəfindən verilmiş məhkəmə-tibbi (dinamik-narkoloji) rəy təqdim edildikdən və qanunvericilik tələbləri yerinə yetirildikdən sonra mümkün olacaq.

Bundan əlavə, müəyyən edilir ki, 2025-ci il 16 dekabr tarixinədək “Yol hərəkəti haqqında” qanuna əsasən bal limiti tükəndiyi üçün sürücülük hüququ dayandırılmış şəxslərə 2026-cı il 1 yanvardan sürücülük hüququ bərpa ediləcək və sürücülük vəsiqəsinə yenidən 100 bal veriləcək. Bunun üçün də heç bir orqana müraciət tələb olunmur.

Müvafiq səlahiyyətli orqan və ya vəzifəli şəxs 2026-cı il 1 yanvar tarixinədək sürücülük hüququnun bərpasını və 100 balın verilməsini təmin etməlidir.
Mövcud statistikaya əsasən, hazırda 35 445 sürücülük vəsiqəsi dayandırılıb.

Qanun layihəsinin müəllif və təşəbbüskarları deputatlar Arçil Qorduladze, Tornike Çeişvili, Aleksandr Tabatadze, Davit Matikaşvili, Rati İonatamişvili, Aluda Quduşauri və Akaki Aladaşvilidir.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.