“Görünür, Qaribaşvili çətin qərarlar arasında daha az ağır olanını seçdi – bu, onun barəsində açıq-aşkar qisasdır və buna təsir imkanlarına malik olan qrup, yəni Kobaxidzenin qrupu kömək göstərdi”,

– bunu “Ədalət Evi”nin qurucusu Eka Beselia “PalitraNews” telekanalının “Siyasi Məkan” proqramında İrakli Qaribaşvilinin həbsi barədə danışarkən bildirib.

Onun sözlərinə görə, Qaribaşvilinin həbsi ona qarşı qisasdır.

“Görünür, Qaribaşvili ağır qərarlar arasında daha yüngülünü seçdi. Öz istəyi ilə həbsə getmək, ittiham aktına imza atmaq, məhkəmə araşdırması tələb etməmək asan deyil, amma görünür, daha ağır nəticədən ehtiyat edirdi. Bu ağır nəticə yalnız cəza deyildi, yaxın insanlarına qarşı hüquqi təqib məsələsi də gündəmə gələ bilərdi.

Bu, Qaribaşviliyə qarşı açıq-aşkar qisasdır və buna təsir imkanına malik olan qrup – Kobaxidzenin qrupu – yardım edib. Onun qısa, üçsözlü başsağlığı mesajı, yəni ‘təəssüflənirəm və insani olaraq ürəyim ağrıyır’ deməsi ikiüzlülükdür. Əminəm ki, onun rolu böyükdür və Qaribaşviliyə qarşı İvanişvilinin belə münasibət sərgiləməsinə səbəb olanlardan biridir”, – Beselia deyib.

Onun sözlərinə görə, Qaribaşvilinin əleyhinə gedən proseslərdə rol oynayan insanların başında İrakli Kobaxidze dayanır.

“İnsanlar müəyyən şeylər danışır, müxtəlif hekayələr və bəzi yazıları çatdırırlar və qərarlar da bunlara əsaslanır. Əminəm ki, bu prosesdə rol oynayanların başında Kobaxidze və onun qrupu dayanır. Kənardan baxanda bütün bu hadisələr qisas kimi görünür.
Digər amillər də əlavə olunub – məsələn, etimadsızlıq: nə üçün Liluaşvili və Qaribaşvili sanksiyaya məruz qalmayıblar, görəsən, o, xəyanətkar olubmu? Əminəm ki, Qaribaşvilinin obrazını İvanişviliyə bu şəkildə təqdim edirdilər.
Məhz bu cür yanaşmalar onun haqqında təqibin başlanması üçün kifayət edib. Yoxsa kim inanır ki, bu, korrupsiyaya qarşı mübarizədir?”, – Beselia bildirib.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---