SOCAR Avstriya və Almaniyaya Azərbaycan qazının tədarükünə başlayıb.

Bu barədə şirkətin yaydığı açıqlamada qeyd olunur. Məlumatı Trend agentliyi yayıb.

Xüsusilə bildirilib ki, 2026-cı ilin yanvarından etibarən SOCAR Cənub Qaz Dəhlizinin Avropa seqmenti olan Transadriatik Boru Kəməri (TAP) vasitəsilə Azərbaycan qazını Avropanın digər ölkələri ilə yanaşı artıq Avstriya və Almaniya istehlakçılarına da çatdırır.

İtaliya üzərindən Avstriya və Almaniyaya qaz tədarükü Azərbaycan qazının Avropadakı coğrafiyasını daha da genişləndirir və istehlakçı ölkələrin sayını 16-ya çatdırır. 2024-cü ilin dekabrında Azərbaycan Slovakiyaya qaz tədarükünə başlayıb, 2025-ci ilin iyulunda isə Ukrayna da Azərbaycan qazının alınmasına start verib. Belə ki, “Naftoqaz Ukrayna” SOCAR Energy Ukraine ilə müqavilə imzalayıb, lakin müqavilənin dəyəri açıqlanmır.

Məlumat üçün bildirək ki, TAP vasitəsilə Avropaya Azərbaycan qazının tədarükü 2020-ci il 31 dekabr tarixində başlayıb. TAP-ın ilkin ötürücülük qabiliyyəti ildə 10 milyard kubmetrdir, lakin bu həcmin 20 milyard kubmetrə çatdırılması planlaşdırılır. 2022-ci ilin iyulunda Azərbaycan və Avropa Komissiyası 2027-ci ilədək Avropaya qaz tədarükünün ikiqat artırılması barədə razılığa gəlib. İndiyədək TAP vasitəsilə Avropaya 54,3 milyard kubmetr qaz nəql edilib.

2025-ci ildə Azərbaycan 51,5 milyard kubmetr təbii qaz hasil edib. Bunun 14,1 milyard kubmetri Azəri–Çıraq–Günəşli yatağının, 27,9 milyard kubmetri Şahdəniz yatağının, 1,6 milyard kubmetri Abşeron yatağının, 7,9 milyard kubmetri isə SOCAR-ın payına düşür. Bu dövrdə qaz ixracı ümumilikdə 25,2 milyard kubmetr təşkil edib. Bunun 12,8 milyard kubmetri Avropaya, 9,6 milyard kubmetri (o cümlədən TANAP vasitəsilə 5,6 milyard kubmetr) Türkiyəyə, 2,3 milyard kubmetri Gürcüstana, 0,5 milyard kubmetri isə Suriyaya tədarük olunub.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.