Gürcüstan Maliyyə Nazirliyinin İstintaq Xidmətinin əməkdaşları Kvemo Kartli Regional Prokurorluğu ilə koordinasiyada aparılan əməliyyat-axtarış və istintaq tədbirləri nəticəsində əvvəlcədən əlbir olan qrup tərəfindən külli miqdarda saxta aksiz markalarının hazırlanması və istifadəsi, həmçinin həyat və sağlamlıq üçün təhlükəli olan saxta məhsulların istehsalı faktı üzrə Gürcüstanın iki vətəndaşını saxlayıblar.

İstintaqla müəyyən edilib ki, təqsirləndirilən şəxslər Rustavi şəhəri, Mesxişvili küçəsi 6 ünvanında yerləşən “Algani Təhlükəsizlik Şirkəti” MMC-nin ofisində müxtəlif markalı araqlar istehsal edir, eyni zamanda saxta aksiz markaları çap edərək həmin spirtli içkilərin üzərinə yapışdırırdılar. Hazırlanan saxta məhsullar Kvemo Kartli ərazisində yerləşən satış məntəqələri və iaşə obyektlərində realizə olunurdu.

Ofisdə, onun yaxınlığında saxlanılan avtomobildə və ticarət obyektlərində aparılan axtarışlar zamanı müxtəlif markalara aid, o cümlədən “Stolichnaya”, “Nemiroff”, “Black Sea”, “Filandia”, “Talka”, “Koskenkorva Vodka”, “Parliament” və “Gray Goose” olmaqla ümumilikdə 204 şüşə saxta spirtli içki, doldurulmağa hazır 402 ədəd boş şüşə, spirtli içkilərin hazırlanması üçün avadanlıq və materiallar, 1 053 ədəd saxta aksiz markası, həmçinin saxta aksiz markalarının elektron fayllarının saxlandığı kompüter texnikası müsadirə edilib.

Faktla bağlı Gürcüstan Cinayət Məcəlləsinin 200¹-ci maddəsinin 2-ci hissəsi və 197-ci maddəsinin 3-cü hissəsi üzrə istintaq aparılır. Bu maddələr 5 ildən 7 ilədək azadlıqdan məhrumetmə cəzasını nəzərdə tutur.

Maliyyə Nazirliyinin İstintaq Xidməti saxta spirtli içkilərin ticarət obyektlərindən çıxarılması məqsədilə istintaq tədbirlərini fasiləsiz rejimdə davam etdirir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.