Xüsusilə külli miqdarda qanunsuz gəlirlərin leqallaşdırılması faktı üzrə təqsirləndirilən Koba Xundadzeyə tətbiq edilmiş həbs qətimkan tədbiri girovla əvəz edilib. O, Dövlət Təhlükəsizliyi Xidmətinin (DTX) keçmiş rəhbəri Qriqol Liluaşviliyə yaxın şəxs hesab olunur.

Koba Xundadzenin vəkili Malxaz Lapaci “Azadlıq Radiosu”na verdiyi açıqlamada bildirib ki, təqsirləndirilən şəxs yanvarın 16-da girov qarşılığında istintaq təcridxanasını tərk edib. “İstintaq prosesi davam edir,

buna görə də bundan artıq heç nə deyə bilmərəm. Qardaşına gəldikdə isə, mən onun vəkili deyiləm və onun barəsində heç nə deyə bilmərəm”, - vəkil əlavə şərh verməyib.

Yanvarın 19-da “TV Pirveli” telekanalının yaydığı məlumata görə, Koba Xundadzenin azadlığa buraxılması ilə eyni vaxtda onun qardaşı, Gəlirlər Xidmətinin keçmiş sədr müavini Vladimir Xundadze saxlanılıb.

“TV Pirveli”nin məlumatına əsasən, Vladimir Xundadze istintaq orqanına özü gəlib və könüllü şəkildə təslim olub.

“Azadlıq Radiosu” işin əlavə detallarını dəqiqləşdirməyə çalışır.

Vladimir Xundadzeyə qarşı cinayət işi ötən il oktyabrın 31-də başlanıb. Prokurorluq onu vəzifə səlahiyyətlərindən sui-istifadədə ittiham edir. Vladimir Xundadzeyə ittiham vəzifə səlahiyyətlərindən sui-istifadə faktı üzrə qiyabi qaydada irəli sürülüb.

Qurumun məlumatına görə, Vladimir Xundadzeni Boris Qoqiçaşvili ilə şəxsi tanışlıq əlaqələri bağlayırdı. Boris Qoqiçaşvili isə əlbir olduğu şəxslərlə birlikdə Gori şəhərində xarici brendlərin əmtəə nişanlarından istifadə etməklə spirtli içkilərin – viski və arağın qanunsuz istehsalı və saxlanılması ilə məşğul olub.

Onun qardaşı Koba Xundadzeyə gəldikdə isə, “Gürcüstan Dəmir Yolları”nın keçmiş əməkdaşı, Liluaşvilinin kirvəsinin qardaşı və biznesmen olan Koba Xundadze ötən il oktyabrın 22-də saxlanılıb. Məhz onun evindən 94 zərfə bölünmüş 1 319 300 ABŞ dolları aşkar edilərək götürülüb.

İstintaq Koba Xundadzeyə xüsusilə külli miqdarda qanunsuz gəlirlərin leqallaşdırılması ittihamını irəli sürüb. Bu cinayət əməli üzrə nəzərdə tutulan cəza 9 ildən 12 ilədək azadlıqdan məhrumetmədir.

Ötən il dekabrın 23-də Dövlət Təhlükəsizliyi Xidmətinin keçmiş rəhbəri Qriqol Liluaşvili də saxlanılıb. Ona Gürcüstan Cinayət Məcəlləsinin 338-ci maddəsinin 2-ci hissəsinin “g” bəndi və 3-cü hissəsinin “e” bəndi ilə – qabaqcadan əlbir olan qrup tərəfindən xüsusilə külli miqdarda rüşvət alma faktı üzrə ittiham irəli sürülüb. Bu maddələr 11 ildən 15 ilədək azadlıqdan məhrumetmə cəzası nəzərdə tutur.

Qətimkan tədbiri qismində həbs Qriqol Liluaşvili barəsində dekabrın 24-də seçilib.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.