2025-ci ildə Gürcüstanın qeyri-deklarasiya olunmuş ticarət istisna olmaqla, xarici ticarət dövriyyəsi 25,820 mlrd. ABŞ dolları təşkil edib ki, bu da əvvəlki illə müqayisədə 10,1% çoxdur. Bu məlumatı Milli Statistika Xidməti yayıb.

Qurumun verdiyi məlumata görə, bu məbləğin 7,291 mlrd. ABŞ dolları ixracın (11,2% artım), 18,529 mlrd. ABŞ dolları isə idxalın payına düşür (9,7% artım). 2025-ci ildə Gürcüstanın mənfi ticarət saldosu 11,238 mlrd. ABŞ dolları olub ki, bu da ümumi xarici ticarət dövriyyəsinin 43,5%-ni təşkil edir.

“2025-ci ildə ilk on ən iri ixrac tərəfdaş ölkəsinin payı Gürcüstanın ümumi ixracının 78,3%-ni təşkil edib. Ən böyük üç ixrac tərəfdaşı belə formalaşıb:

• Qırğızıstan – 1,498 mlrd. ABŞ dolları;
• Qazaxıstan – 910 mln. ABŞ dolları;
• Rusiya – 749,3 mln. ABŞ dolları.

2025-ci ildə ilk on ən iri idxal tərəfdaş ölkəsinin payı Gürcüstanın ümumi idxalının 70,5%-ni təşkil edib. İlk üçlükdə isə bunlar yer alır:

• Türkiyə – 2,775 mlrd. ABŞ dolları;
• ABŞ – 2,723 mlrd. ABŞ dolları;
• Çin – 1,985 mlrd. ABŞ dolları.

2025-ci ildə ilk on əsas ticarət tərəfdaşının payı Gürcüstanın ümumi xarici ticarət dövriyyəsinin 67,8%-ni təşkil edib. Ölkənin ən böyük ticarət tərəfdaşları bunlardır:

• Türkiyə – 3,107 mlrd. ABŞ dolları;
• ABŞ – 2,843 mlrd. ABŞ dolları;
• Rusiya – 2,688 mlrd. ABŞ dolları.

2025-ci ildə mal qrupları üzrə ixracda ilk yeri 2,814 mlrd. ABŞ dolları ilə yüngül avtomobillər tutub ki, bu da ümumi ixracın 38,6%-nə bərabərdir. İkinci yerdə 378,9 mln. ABŞ dolları dəyərində qiymətli metalların filizləri və konsentratları (ümumi ixracın 5,2%-i), üçüncü yerdə isə 282,5 mln. ABŞ dolları ilə spirtli içkilər (3,9%) qərarlaşıb.

2025-ci ildə ən böyük idxal mal qrupu da yüngül avtomobillər olub – idxal həcmi 3,870 mlrd. ABŞ dolları təşkil edib və bu, ümumi idxalın 20,9%-idir. İkinci yerdə 1,358 mlrd. ABŞ dolları ilə neft və neft məhsulları (idxalın 7,3%-i), üçüncü yerdə isə 680,3 mln. ABŞ dolları dəyərində qablaşdırılmış dərman vasitələri (idxalın 3,7%-i) dayanır,” – deyə Milli Statistika Xidmətinin məlumatında bildirir.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.