Həbsdə olan Gürcüstanın üçüncü prezidenti Mixeil Saakaşvili bu gün, 22 yanvar tarixində, üç ildən sonra ilk dəfə onun əleyhinə Tbilisi Şəhər Məhkəməsində davam edən məhkəmə iclasına qatılıb.

Bu vaxta qədər o, sağlamlıq vəziyyəti səbəbindən iclaslarda onlayn iştirak edirdi.

“Ümidsizlik, ümidsizlik var, amma mən gəldim ki, sizə deyim – ümid var və azadlıq, xoşbəxtlik bir

əlinizlə çata biləcəyiniz yerdədir. Rejim yalnız sivil dünya və qonşularımızdan deyil, hətta işğalçı Rusiya tərəfindən də təcrid olunub”, – deyə Mixeil Saakaşvili bildirib.

Bu gün Tbilisi Şəhər Məhkəməsində 7 noyabr işi üzrə iclas keçirilir. Mixeil Saakaşvili bu işdə təqsirləndirilən statusuna malikdir. Həmin məhkəmə ona ümumilikdə 12,5 il həbs cəzası kəsib, hansının ki hesablanması onun həbs olunduğu 2021-ci il 1 oktyabrdan başlayıb.

Mixeil Saakaşvilinin həbs cəzası dörd iş üzrə müəyyən edilib:
• Ona qarşı ilk hökm 2018-ci il 6 yanvarda çıxarılıb – Tbilisi Şəhər Məhkəməsi onu iştiraksız olaraq Sandro Qirqvlianın qətl işi üzrə üç il, xidməti səlahiyyətlərdən sui-istifadə ittihamı üzrə isə əlavə cəza ilə cəzalandırıb;
• 2018-ci ilin iyun ayında Tbilisi Şəhər Məhkəməsi onu yenidən iştiraksız olaraq deputat Valeri Qelaşvilinin döyülməsi işi üzrə 6 il həbs cəzasına məhkum edib. 2005-ci ildə Gürcüstan Parlamentinin üzvü Valeri Qelaşviliyə hücum edilmişdi. Bu işdə Saakaşvilinin zorakılıq yolu ilə xidməti səlahiyyətlərdən sui-istifadədə və sağlamlığa qəsdən ağır zərər yetirməyi təşkil etməkdə günahkar olduğu bildirilirdi;
• 2025-ci il 12 mart tarixində ona büdcə vəsaitlərinin israf olunması işi üzrə (səhnə adı “pijak işi”) 9 il həbs cəzası kəsilib;
• Son hökm 2025-ci il 17 mart tarixində verilib. O, Gürcüstan sərhədini qanunsuz keçməkdə günahkar bilinərək 4 il 6 ay həbsə məhkum edilib. Çünki Mixail Saakaşvilinin əvvəlcədən məhkəmələr tərəfindən ümumilikdə 9 il həbs cəzası kəsilmişdi, hakimi Mixail Cincolianın qərarına görə, Gürcüstanın üçüncü prezidenti ümumilikdə 12 il 6 ay həbsdə olmalıdır.

Prezidentlik müddətinin bitməsindən sonra Gürcüstandan gedən Mixail Saakaşvili ölkəyə 2021-ci il yerli özünüidarə seçkilərindən bir neçə gün əvvəl geri dönüb. O, seçkilərdən bir gün əvvəl, 1 oktyabrda polis tərəfindən saxlanılıb və həmin gündən aclıq aksiyasına başlayıb.

Saakaşvilinin sağlamlıq vəziyyətinin pisləşməsi səbəbindən 2021-ci il 20 noyabrda onu Qori Hərbi Xəstəxanasına yerləşdiriblər, 40 gün sonra isə geri Rustavi həbsxanasına qaytarılıb. Onun ailə üzvləri və yaxınları bildirirdilər ki, müalicə üçün onu xaricə aparmaq vacibdir, amma hakimiyyət buna razılıq verməyib.

Bir neçə ay sonra, 2022-ci il 12 may tarixində Mixail Saakaşvili “Vivamed” klinikasına köçürülüb, iki il sonra isə, 2025-ci il 12 noyabrda yenidən penitensiar müəssisəyə qaytarılıb. Klinika dövründə o, məhkəmə iclaslarında uzaqdan iştirak edib.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.