Gürcüstan Texniki Universitetinin Akademik Şurası “Gürcü Arzusu”nun təhsil islahatını dəstəkləyir, lakin Tbilisi Dövlət Universiteti ilə birləşməyə qarşı çıxır.

5 fevral tarixli Akademik Şura qərarında universitet bildirir ki, “Gürcü Arzusu”nun Parlamentdə iki gün əvvəl qəbul etdiyi qanunun nəzərdə tutduğu yenidən təşkilatlanma (reorqanizasiya) “universitetin muxtariyyət prinsipinin məhdudlaşdırılmasıdır”.

Qərar Akademik Şura tərəfindən yekdilliklə – 36 lehinə, 0 əleyhinə səslə qəbul edilib.

Qərara əsasən:

• Gürcüstan Texniki Universitetinin Akademik Şurası Gürcüstan hökuməti tərəfindən elan edilmiş ali təhsil sisteminin inkişafına və təkmilləşdirilməsinə yönəlmiş islahatları açıq şəkildə dəstəklədiyini bildirir və konstitusion prinsiplərə sadiqlik və akademik azadlıq çərçivəsində bu vacib və təxirəsalınmaz prosesdə iştirak etməyə hazır olduğunu təsdiqləyir.
• Akademik Şura universitetin muxtariyyətinin istənilən formada məhdudlaşdırılması ilə, o cümlədən universitetin iradəsi nəzərə alınmadan Gürcüstan Texniki Universitetinin İvane Cavaxişvili adına Tbilisi Dövlət Universiteti ilə mümkün birləşdirilməsinə qarşıdır.
• Akademik Şura bəyan edir ki, universitetin idarəetmə orqanlarının – Akademik Şura, Nümayəndələr Şurası (Senat), universitetin tələbə özünüidarəetməsi, fakültə şuraları, elmi-tədqiqat institutlarının elmi şuraları və rektorluğun iştirakı olmadan həyata keçirilən istənilən reorqanizasiya (birləşmə) Gürcüstan Konstitusiyasının 27-ci maddəsi ilə təminat altına alınmış universitet muxtariyyəti prinsipinin pozulmasıdır.
• Akademik Şura Gürcüstan hökumətindən və Gürcüstanın Təhsil, Elm və Gənclər Nazirliyindən “Ali təhsil haqqında” qanuna dəyişikliklərlə (ali təhsil müəssisələrinin reorqanizasiyası ilə bağlı) əlaqədar qanunaltı normativ aktların qəbulunu və dərcini dayandırmağı xahiş edir. Bu proses yalnız ehtiyacların əsaslı şəkildə araşdırılmasından, universitet ictimaiyyəti çərçivəsində real və məzmunlu müzakirələrin aparılmasından və universitetin kollegial idarəetmə orqanlarının razılığı alındıqdan sonra həyata keçirilməlidir.
• Akademik Şura universitetin akademik və elmi ictimaiyyəti adından bir daha bildirir ki, istənilən formatda Gürcüstan hökuməti və Təhsil, Elm və Gənclər Nazirliyi ilə birlikdə ali təhsilin milli konsepsiyası əsasında həyata keçiriləcək islahatların, o cümlədən universitetin reorqanizasiyası məsələlərinin ətraflı müzakirəsində iştirak etməyə hazırdır. Bu müzakirələrin məqsədi Gürcüstanda mövcud olan güclü mühəndislik məktəbinin daha da gücləndirilməsidir.
• Universitetin Akademik Şurası Gürcüstan hökuməti tərəfindən təsdiqlənmiş ali təhsil islahatı konsepsiyasının ruhunu bölüşür və ümid edir ki, hökumət də 104 illik tarixə malik universitetin minlərlə akademik, elmi, inzibati və köməkçi personalının, eləcə də tələbələrinin müraciətini nəzərə alacaq.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.