Bakıda həbsxanalarda saxlanan erməni məhbusların məsələsi ABŞ-nin vitse-prezidenti Cey Di Vensin Yerevana səfəri zamanı müzakirə olunub. Bunu baş nazir Nikol Paşinyan İctimai Televiziyaya müsahibəsində deyib.

"Biz bu məsələdə maksimum səssiz işləyirik. Xahiş edirəm, məndən çox detal gözləməyin. Amma deyirəm ki, bu məsələni müzakirə etmişik. Elə bir danışıq yoxdur ki, orada bu mövzuya toxunmayaq", – Paşinyan bildirib.

C.D.Vens Yerevandan Bakıya yola düşməzdən öncə də jurnalistlərə deyib ki, Azərbaycandakı erməni məhbusların məsələsi qaldırılacaq.

Amma vitse-prezidentin fevralın 10-da Bakıdakı görüşlərində bu məsələni müzakirə edib-etmədiyi bəlli deyil. O, prezidenti İlham Əliyevlə mətbuata birgə bəyanatdan sonra jurnalistlərin suallarını cavablandırmayıb.

Yanvarın 14-də Bakıda saxlanılan dörd məhbus Ermənistana qaytarılıb. Ermənistan Azərbaycanda daha 19 erməni məhbusun saxlanıldığını deyir. Qarabağdakı keçmiş separatçı qurumun təmsilçiləri və onlarla mühakimə edilənlərdən ibarət 16 nəfər də bu siyahıya aid edilir. Terrorçuluq, soyqırımı, işgəncə və digər maddələrlə təqsirli bilinən həmin şəxslərdən beşinə ömürlük, 10-na 20 ildən 15 ilədək həbs cəzası kəsilib. Onlar ittihamları qəbul etməyib bəraət istəmişdilər.

Məhkəmə hökmlərindən sonra erməni məhbusların Ermənistana qaytarılmasının mümkünlüyünə gəlincə, Paşinyan deyib ki, bu hökmlər onu ağrıdıb. Baş nazir əlavə edib ki, münaqişəni bircə rıçaqla dayandırmaq mümkün deyil. Onun sözlərinə görə, bu problem dinc yolla həll oluna bilər.


Paşinyan müsahibəsində onu da deyib ki, Rusiyanın maraqlarına zərbə vurmaq Ermənistanın planlarına daxil deyil və olmayacaq.

"Heç kəs bizi Rusiyaya qarşı hərəkətlərə çəkə bilməz", – deyən Paşinyan Rusiya prezidenti və baş naziri ilə isti münasibətləri olduğunu əlavə edib. Bu haqda AzadlıqRadiosunun erməni xidməti yazır.

Rusiya baş nazirinin müavini Aleksey Overçuk bugünlərdə deyib ki, Avropa İttifaqına (Aİ) üzv olmaq qərarı erməni xalqının seçimidir. Amma Yerevan Aİ-nin xaraktercə dəyişməsini nəzərə almalıdır, bu blok getdikcə iqtisadi birlikdə hərbi-siyasi quruma çevrilir.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.