Tbilisi meri Kaxa Kaladzenin sözlərinə görə, qəzalı yaşayış binasında yaşayan və əvəzləmə proqramlarından hər hansı birində iştirakdan imtina edən şəxsə bələdiyyə tərəfindən ödənilən kirayə haqqı dayandırılacaq.

Kaladze bildirib ki, əgər şəxs bələdiyyədən kirayə pulu alırsa və eyni zamanda qəzalı yaşayış binasının əvəzlənməsi üzrə proqramların hər hansı birində iştirakdan imtina edərsə, ona kirayə haqqının ödənişi altı ay müddətinə dayandırılacaq.

“Kirayə haqlarının ödənilməsi qaydasında dəyişiklik edirik. Qəzalı binaların əvəzlənməsi istiqamətində artıq bir neçə mühüm proqram mövcud olsa da, təəssüf ki, bəzi mülkiyyətçilər meriyanın kirayə proqramından qeyri-səmimi şəkildə istifadə edirlər. Bu şəxslər əvəzləmə proqramlarında iştirakdan imtina edirlər və bununla da digər mülkiyyətçilərin hüquqlarına zərər vururlar. Bununla yanaşı, paralel olaraq illər ərzində meriyadan kirayə pulu alırlar. Dəyişikliklərə əsasən, əgər şəxs kirayə pulu alırsa və eyni zamanda müəyyən olunarsa ki, o, qəzalı yaşayış binasının əvəzlənməsi üzrə proqramların hər hansı birində iştirakdan imtina edir, ona kirayə haqqının ödənilməsi altı ay sonra dayandırılacaq və yalnız əvəzləmə proqramlarında iştirak etməyə razılıq verdikdən sonra bərpa olunacaq”, – deyə Kaxa Kaladze bildirib.

Onun sözlərinə görə, əvəzləmə proqramlarından hər hansı birində iştirakdan imtina edən və bundan sonra kirayə pulu almaq üçün əsas yaranan şəxsə, proqramda iştirak etməyə razılıq verməyənədək kirayə haqqı ödənilməyəcək.

“Mən Tbilisi sakinlərindən xahiş edirəm ki, bu prosesə məsuliyyətlə yanaşsınlar və bizim təklif etdiyimiz proqramlardan istifadə etsinlər. Bu proqramlar yalnız onların rifahının yüksəldilməsinə və mülkiyyət obyektlərinin yaxşılaşdırılmasına yönəlib. Biz istəyirik ki, sizə kömək edək, yaşayış şəraitinizi yaxşılaşdıraq və qəzalı binalarda yaşamayasınız, çünki bu, təhlükə yaradır. Bələdiyyə sizin yanınızda olmağa hazırdır. Bu imkandan istifadə edin və qeyd olunan proqramdan yararlanın”, – deyə Kaxa Kaladze bildirib.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.