“Gürcü Arzusu” hökumətinin qəbul etdiyi dəyişikliklərə əsasən, tədris proqramları əhəmiyyətli dərəcədə məhdudlaşdırılan İlia Dövlət Universiteti növbəti tədris ilində bakalavr proqramları üzrə yalnız 300 tələbə qəbul edə biləcək.

“Gürcü Arzusu” hökuməti dövlət universitetlərinin tədris proqramlarını həyata keçirmək hüququnun məhdudlaşdırılması barədə qərar elan etdikdən sonra hökumətin müvafiq qərarı da dərc olunub.

Qərarda hansı universitetdə hansı proqramların saxlanıldığı və vahid milli imtahanların nəticələrinə əsasən bu proqramlara neçə tələbənin qəbul edilə biləcəyi göstərilib.

Rəqəmlərlə – qısa məlumat
İlia Dövlət Universitetində mövcud 36 proqramdan yalnız 16 proqram saxlanılır.

Əgər ötən il naec.ge saytında dərc olunmuş məlumat kitabçasına əsasən, universitetdə bakalavr proqramları üzrə qəbul yerlərinin sayı 4207 idisə, bu il yalnız 300 yeni tələbə qəbul edilə biləcək.

Bu, ötənilki kvotadan 14 dəfə (təxminən 92%) azdır.

“Azadlıq Radiosu”nun məlumatına görə, universitet ötən il ümumilikdə 3500 tələbə qəbul edib ki, bu da gələn il qəbul ediləcək tələbələrin sayından demək olar 12 dəfə çoxdur.

Hazırda İlia Dövlət Universitetində bakalavr və magistr proqramları üzrə ümumilikdə 17 295 tələbə təhsil alır. Fakültələr üzrə bölgü belədir:

• Elmlər və incəsənət – 7270;
• Təbiət elmləri və tibb – 1469;
• Biznes, texnologiyalar və təhsil – 6779;
• Hüquq – 1777.

Hansı proqramlar saxlanılır

1. Yer Kürəsini öyrənən elmlər – 30 yer
2. Riyaziyyat – 20
3. Fizika – 20
4. Biologiya – 20
5. Tarix – 20
6. Gürcü filologiyası – 20
7. İngilis dili və ədəbiyyatı – 20
8. Tətbiqi germanistika – 10
9. Fransaşünaslıq – 20
10. Azad elmlər – 10
11. Kompüter mühəndisliyi – 20
12. Mülki mühəndislik (ingilis dilində) – 15
13. Kompüter mühəndisliyi (beynəlxalq, ingilis dilində) – 20
14. Elektrik və elektronika mühəndisliyi (ingilis dilində) – 15
15. Mülki mühəndislik – 20
16. Erkən uşaqlıq inkişafı və təhsili – 20

Hansı proqramlar ləğv olunur
2025-2026 tədris ili üçün qəbul elan edilən, lakin gələn ildən ləğv ediləcək proqramlar:

1. Sosiologiya
2. Psixologiya
3. Fəlsəfə
4. Kinoşünaslıq
5. Rus dili və ədəbiyyatı (əsas və əlavə ixtisas)
6. Ədəbiyyatşünaslıq
7. Siyasi elmlər
8. Beynəlxalq münasibətlər: Avropa və Yaxın Şərq
9. İncəsənətşünaslıq
10. Biznes idarəçiliyi (menecment)
11. Biznes idarəçiliyi (turizm)
12. Biznes idarəçiliyi (bank və maliyyə işi)
13. Arxeologiya
14. Musiqi
15. Memarlıq
16. Tətbiqi incəsənət – ictimai məkanlar üçün bədii keramika
17. Qrafika sənəti
18. Kompüter elmləri (ingilis dilində)
19. Ekologiya
20. İbtidai sinif müəllimliyi üzrə inteqrasiya olunmuş bakalavr-magistr proqramı (I-VI siniflər)

Digər universitetlərdə saxlanılan istiqamətlər

Tbilisi Dövlət Universiteti

• Dəqiq və təbiət elmləri
• Humanitar elmlər (pedaqogika istisna olmaqla)
• Hüquq
• İqtisadiyyat və biznes idarəçiliyi
• Sosial və siyasi elmlər

Tbilisi Dövlət Tibb Universiteti

• Tibb ixtisasları

Suxumi Dövlət Universiteti

• Aqrar ixtisaslar
• Gürcü-abxaz dili, ədəbiyyatı və pedaqogika

Gürcüstan Texniki Universiteti

• Mühəndis-texniki ixtisaslar

Təhsil və elm naziri Qivi Mikanadze fevralın 12-də bildirib ki, hökumətin qərarına əsasən aqrar istiqamət hələlik Texniki Universitetdə qalır və qəbul bu universitetin adı ilə elan ediləcək. O əlavə edib ki, yaxın günlərdə reorganizasiya prosesi başlayacaq və bir neçə ay ərzində aqrar istiqamət Suxumi Dövlət Universitetinə keçiriləcək.

Bunun nəticəsində 2026-2027 tədris ilində aqrar fakültəyə qəbul olunan tələbələr təhsillərini Suxumi Dövlət Universitetində davam etdirəcəklər.

Digər universitetlər

• İncəsənət və İdman universitetləri tələbələri müvafiq ixtisaslar üzrə qəbul edəcəklər;
• Batumi və Kutaisi universitetləri çoxfunksiyalı statuslarını qoruyacaqlar;
• Zuqdidi, Qori, Axaltsixe və Telavi universitetlərində əsas diqqət aqrar ixtisaslara, turizm və pedaqogikaya yönəldiləcək.

“Ali təhsil islahatı”
“Gürcü Arzusu” hökuməti fevralın 12-də ali təhsil islahatının bir hissəsi kimi dövlət universitetlərinin tədris proqramlarının həyata keçirilməsinin məhdudlaşdırılması barədə qərar təqdim edib.

İlia Dövlət Universitetinin rektoru Nino Doborcqinidze bu qərardan sonra “Facebook” səhifəsində yazıb:

“Qərar qəbul edənlər mütləq universitet ictimaiyyəti qarşısında cavab verməli olacaqlar – təkcə indi yox!”

“Gürcü Arzusu”nun ali təhsil üzrə islahatı fakültələrin “bir şəhər – bir fakültə” prinsipi əsasında azaldılmasını nəzərdə tutur.

Beynəlxalq tədqiqatçılar və xarici professorlar dekabr ayında İrakli Kobaxidzeyə müraciət edərək ali təhsil islahatına yenidən baxmağa çağırıblar.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.