Rusiya Federasiyasının baş nazirinin müavini Aleksey Overçukun bəyanatına görə, Moskva işğal olunmuş Abxaziya ərazisindən keçməklə Rusiya ilə Gürcüstan arasında dəmir yolu əlaqəsinin bərpasını nəzərdən keçirir.

O bildirib:
“Qafqazda zədələnmiş bütün marşrutların blokadadan çıxarılması üzrə işlər aparılır. Bu işlər çərçivəsində Rusiya Federasiyası ilə Gürcüstan arasında Abxaziya ərazisindən keçməklə dəmir yolu əlaqəsinin bərpası imkanı da müzakirə olunur”.

Moskva nə istəyir
Rusiyanın hökumətyönlü “TASS” agentliyinin məlumatına görə, baş nazirinin müavini bu marşrutun bərpasının “əsas vəzifə”nin həlli üçün zəruri olduğunu deyib.

Onun sözlərinə görə, bu “vəzifə” Qafqazda nəqliyyat və logistika əlaqələrinin gücləndirilməsidir. Bu isə, onun fikrincə, Azərbaycan, Ermənistan, Gürcüstan, İran, Türkiyə və Rusiya xalqları arasında sülh, sabitlik və iqtisadi rifah üçün “kritik əhəmiyyət daşıyır”.
O əlavə edib:

“Bu mühüm ümumi vəzifənin həllində regionun bütün dövlətləri arasında konstruktiv əməkdaşlığa ümid edirik”.

• 12 fevral axşam saatlarında “Azadlıq Radiosu” Gürcüstan Xarici İşlər Nazirliyinin mətbuat mərkəzi ilə əlaqə saxlayaraq, Moskva ilə bu mövzuda hər hansı formatda danışıqların aparılıb-aparılmadığını dəqiqləşdirməyə çalışıb.
• Cavab əldə olunarsa, məlumat yenilənəcək. Nazirlik hələlik Overçukun bəyanatı ilə bağlı başqa ictimai açıqlama verməyib.

Dəmir yolunun bərpası istəyi
Gürcüstan dəmir yolunun Abxaziya hissəsinin bərpası barədə Moskva və işğal olunmuş Abxaziyanın de-fakto hakimiyyət nümayəndələri tez-tez danışırlar.

2023-cü ilin payızında Abxaziyanın keçmiş de-fakto lideri Aslan Bjania bildirmişdi ki, onlara “Rusiya Dəmir Yolları” şirkətinin mütəxəssislərindən ibarət nümayəndə heyəti səfər edib və ehtimal olunan xərcləri hesablayıb.

O demişdi:
“Oçamçiredən sonrakı dəmir yolu ya tamamilə dağılıb, ya da mühəndis infrastrukturu – yolun özü, körpülər, elektrik xətləri, tunellər və s. qəzalı vəziyyətdədir. Bütün bunların bərpası lazımdır. Komissiyanın səfərindən sonra həmin hissənin bərpasının nə qədər vəsait tələb edəcəyinin hesablanması aparılır”.

Bjaniya həmçinin bildirib ki, məsələ “gürcü tərəfi hazır olduqda” həll ediləcək.

• Bundan əvvəl, 2023-cü ilin avqustunda Müstəqil Dövlətlər Birliyinin dördüncü departamentinin direktoru Denis Qonçar Moskvanın Abxaziya və Cənubi Osetiya vasitəsilə Gürcüstanla avtomobil və dəmir yolu əlaqəsinin mümkün olduğunu hesab etdiyini demişdi.
• Rəsmi Tbilisi isə ənənəvi olaraq bu ideyaya qarşı çıxır.
• Məsələn, 2023-cü ilin iyununda parlamentdə illik hesabat təqdim edərkən, o vaxtkı baş nazir, hazırda həbsdə olan İrakli Qaribaşvili bəyan etmişdi ki, Gürcüstanın ərazi bütövlüyü bərpa olunmadan Abxaziya dəmir yolu hissəsi bərpa edilməyəcək və hökumətin əsas məqsədi məhz ərazi bütövlüyünün bərpasıdır.

Overçukun Ermənistan dəmir yolu barədə açıqlaması
Overçuk bu gün həmçinin bildirib ki, Moskva və İrəvan Ermənistan dəmir yolunun iki hissəsinin bərpası ilə bağlı danışıqlar aparmağı planlaşdırır.

Söhbət Ermənistanı Azərbaycan və Türkiyə ilə birləşdirən dəmir yolu xətlərindən gedir.

Ermənistan dəmir yolunun bu hissələri konsessiya müqaviləsi əsasında Rusiya Federasiyasının dövlət şirkətinə verilib.

Bundan əvvəl, 2025-ci il dekabrın 25-də Ermənistanın baş naziri Nikol Paşinyan bildirmişdi ki, əgər “Rusiya Dəmir Yolları” şirkəti vəd etdiyi investisiyaları vaxtında qoymasa, Ermənistan dövləti hazırda rus şirkətinin nəzarətində olan dəmir yolu hissələrini geri ala bilər.

Regionda dəyişikliklər
25 dekabrda Ermənistan hökumətinin iclasından sonra Paşinyan bildirib ki, rus tərəfi müqavilə öhdəliklərini məntiqli müddətdə yerinə yetirməsə, Ermənistan büdcə vəsaiti hesabına əsas dəmir yolu infrastrukturunu bərpa etməyə hazırdır.

• İrəvan bu məsələni Azərbaycan və Türkiyə ilə danışıqları yeni mərhələyə çıxardıqdan sonra fəallaşdırıb. Bu ölkələrlə yük daşımaları onilliklər boyu dayandırılmışdı.
• Hazırda Ermənistan hökuməti “Sülh yolayrıcı” adlandırdığı konsepsiyanı inkişaf etdirir və bu çərçivədə ABŞ və Azərbaycanla birlikdə “Tramp marşrutu” üzərində işləməyə başlayıb.
• Regionda geosiyasi dəyişikliklər fonunda bəzi ekspertlər Gürcüstanın proseslərdən kənarda qaldığını düşünür.

Məsələn, 11 fevralda ABŞ-ın Helsinki Komissiyasında keçirilən brifinqdə beynəlxalq ticarət üzrə məsləhətçi şirkət McLarty Associates-in baş icraçı direktoru Kler Kayser bildirib:

“Gürcüstan hökuməti, faktiki olaraq, regionda gedən dərin və müsbət siyasi və geosiyasi transformasiyadan yayınır.”

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.