“Cənab Papuaşvili ümumilikdə 21 il Almaniya tərəfindən maliyyələşdirilən əməkhaqqı alıb, onun 48 yaşı var” – bunu Almaniyanın Gürcüstandakı səfiri Peter Fişer “İnterpressnyus”a eksklüziv müsahibəsində, Gürcüstan parlamentinin sədri Şalva Papuaşvilinin Almaniya hökumətini tənqid etməsinə cavab verərkən bildirib.

Onun sözlərinə görə, Papuaşvili Almaniyada 4 il Almaniya hökumətinin təqaüdü ilə təhsil alıb, daha sonra isə Almaniyanın inkişaf əməkdaşlığının texniki icra agentliyi ilə 17 il işləyib. Həmin agentliyin layihələri də Almaniya tərəfindən maliyyələşdirilir.

“Mən cənab Papuaşvilini yaxşı tanıyıram, lakin Vikipediyaya görə, o, Almaniyada Almaniya federal hökumətinin verdiyi təqaüdlə 4 il təhsil alıb. Daha sonra isə 17 il GİZ-də çalışıb. GİZ Almaniyanın inkişaf əməkdaşlığının texniki icra agentliyidir və Gürcüstandakı inkişaf layihələrinin böyük hissəsi Almaniya federal hökuməti tərəfindən maliyyələşdirilir. Beləliklə, 4 ilə 17 ili əlavə etdikdə, ümumilikdə 21 il edir və cənab Papuaşvili bu müddət ərzində Almaniya tərəfindən maliyyələşdirilən əməkhaqqı alıb. Onun 48 yaşı var. 21 və 48 – bununla bağlı əlavə şərhim yoxdur”, – deyə Fişer bildirib.

“Gürcü arzusu”nun liderlərinin, xüsusilə Şalva Papuaşvilinin səfirə qarşı ittihamlarına gəlincə, Fişer bildirir ki, Gürcüstanda “xarici qüvvələr” barədə formalaşdırılan narrativ səbəbindən onu “günah keçisi” kimi istifadə edirlər.

“Bu ölkədə uydurulmuş bir narrativ mövcuddur – guya ‘qlobal müharibə partiyası’ var. O mövcud deyil! ‘Dərin dövlət’ deyilən anlayış da mövcud deyil və guya Gürcüstana zərər vurmaq istəyir. Bunların hamısı həqiqətə uyğun deyil. Həqiqət bunun əksidir – Avropa Gürcüstanın dostu olub və olacaq! Ümid edirəm ki, gürcülər bunu anlayırlar və uydurma narrativlərə inanmırlar. Biz manipulyativ texnikalar barədə danışdıq. Bu da belə texnikalardan biridir və tarix qədər qədimdir – xarici ‘günah keçisi’, xarici düşmən yaratmaq və bütün problemləri onun üzərinə atmaq. Mən Almaniya Federativ Respublikasının səfiriyəm. Biz Avropa İttifaqının ən sıx məskunlaşmış dövlətlərindən biriyik. Biz Avropa İttifaqının ən böyük iqtisadiyyatına malikik. Dünyada isə dördüncü ən böyük iqtisadiyyatıq. Hesab edirəm ki, ABŞ-la birlikdə tarix boyu Gürcüstanın ən yaxşı dostu və tərəfdaşı olmuşuq, hətta ABŞ 1918-ci ildə bu regiona daxil olmamışdan əvvəl də. Buna görə də mən bu uydurma ‘xarici düşmən’ narrativinin qurbanına çevrilirəm və bu hekayəyə uyğun olaraq məni arzuolunan ‘günah keçisi’ və ‘cəzalandırılacaq şəxs’ kimi təqdim edirlər. Gürcüstanın tanınmış siyasətçilərindən biri hətta dedi ki, mən ‘dərin dövlət’də sadəcə kiçik bir vintəm. Məhz buna görə mən bu uydurma narrativ üçün ‘yararlıyam’. Səbəb yalnız budur. Məsələ məndə deyil, narrativdədir. Lakin mən soruşardım – sizə qəribə görünmür ki, dünyadakı bütün siyasi partiyalar arasında yalnız ‘Gürcü arzusu’ ‘dərin dövlət’, qeyri-şəffaf qüvvələr və qeyri-rəsmi idarəetmə barədə danışır? Narrativ sanki belə təqdim olunur ki, ‘kim bizimlə deyilsə, bizə qarşıdır’ – bu da köhnə üsullardan biridir – ‘kim bizimlə deyilsə, dövlətə qarşıdır’. Bunun məntiqi nədir? ‘Gürcü arzusu’nun dövlət olduğu iddiası isə mənim üçün artıq kifayət qədər ‘dərin’ bəyanatdır”, – deyə Fişer bildirib.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.