4 oktyabrda Atoneli sarayının yaxınlığında baş verən hadisələrlə bağlı təqsirləndirilən şəxslərin bir hissəsi ilə prosessual razılaşma bağlana bilər.

Tutulan şəxslərdən biri olan Davit Sturuanın vəkili Mariam Çxeidzenin sözlərinə görə, o, həmkarlarından məlumat alıb ki, bir neçə təqsirləndirilənin vəkili ilə əlaqə saxlanılıb və onlara prosessual razılaşma təklif olunub.

Çxeidzenin məlumatına əsasən, söhbət 1 il şərti cəza və 1 il real həbs cəzasından gedir.

Prosessual razılaşmanın əsas şərtlərindən biri təqsirin etiraf olunması olduğuna görə, vəkillərin bir hissəsi bildirir ki, belə təklif olacağı təqdirdə, onlar bununla razılaşmayacaqlar. Çünki onların fikrincə, saxlanılan şəxslər cinayət törətməyiblər.

Mövcud məlumata görə, prokurorluq prosessual razılaşmanı hüquq-mühafizə orqanlarının əməkdaşlarının xəsarət almadığı hallarla bağlı təqsirləndirilən şəxslərə təklif edir.

Tbilisi Şəhər Məhkəməsində 4 oktyabr hadisələri ilə bağlı təqsirləndirilən şəxslər – Qiorqi Çaxunaşvili, İa Daraxvelidze, Eva Şaşiaşvili və daha 12 nəfərin məhkəmə prosesi bir neçə dəqiqədən sonra başlayacaq.

Məlumat üçün bildirək ki, 4 oktyabr hadisələri ilə bağlı saxlanılan Qoça Qataşviliyə, Sulxan Abralavaya, Konstantine Kokaiaya, Davit Jğentə, Kaxaber Mjavanadzeyə, Aleksandre Qoqoladzeyə, Davit Sturuaya, Eva Şaşiaşviliyə, Zaxro Albutiaşviliyə, Qenadi Kelixaşviliyə, Dato Kutskaiyaya, Ramaz Corbenadzeyə, Candri Tirkiaya, Qiorqi Çaxunaşviliyə və İa Daraxvelidzeyə Gürcüstan Cinayət Məcəlləsinin 19-222-ci maddəsinin 2-ci hissəsinin “a” bəndi ilə ittiham irəli sürülüb. Bu maddə strateji və xüsusi əhəmiyyətli obyektlərin ələ keçirilməsi və blokadaya alınmasına qrup halında cəhd etməni nəzərdə tutur. Onlara həmçinin Cinayət Məcəlləsinin 225-ci maddəsinin ikinci hissəsi ilə ittiham irəli sürülüb ki, bu da qrup halında zorakılıqda iştirak etməni nəzərdə tutur.

İa Daraxvelidze, Qiorqi Çaxunaşvili və Eva Şaşiaşvili girov qarşılığında azadlıqdadırlar.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.