BBC “Gürcü Arzusu”nun şikayətinə cavab verib. Müvafiq məlumatı “Formula” yayıb.

Telekanala BBC-nin sözçüsü bildirib ki, onlar “Su səni yandıranda: Gürcüstan uğrunda mübarizə” adlı sənədli filmdə təqdim olunan jurnalistikanı dəstəkləyirlər.

“Şikayətlərin araşdırılması üçün müəyyən edilmiş prosedura uyğun olaraq təsdiq edirik ki, iddiaçı tərəfə onların sualları ilə bağlı artıq cavab təqdim etmişik. Biz BBC Eye tərəfindən hazırlanan “Su səni yandıranda: Gürcüstan uğrunda mübarizə” sənədli filmində təqdim olunan jurnalistikanı və Tbilisidə baş verən etiraz aksiyalarına Gürcüstan hakimiyyətinin reaksiyası ilə bağlı müstəqil, araşdırma jurnalistikamızı dəstəkləyirik”, – deyə BBC-nin sözçüsü bildirib.

Məlumat üçün qeyd edək ki, şikayət BBC tərəfindən dərc edilmiş məqalə və sənədli filmlə bağlıdır. Həmin materiallarda bildirilir ki, 2024-cü ildə Gürcüstan hakimiyyəti hökumət əleyhinə keçirilən etiraz aksiyalarını dağıtmaq üçün Birinci Dünya müharibəsi dövrünə aid kimyəvi silahdan istifadə edib. BBC yazır ki, “Gürcüstan hökumətinin Avropa İttifaqına üzvlük prosesini dayandırmasına qarşı çıxan nümayişçilər müxtəlif simptomlardan, o cümlədən gözlərdə yanma, təngnəfəslik, öskürək və həftələrlə davam edən qusma hallarından şikayət edirdilər”. BBC-nin məlumatına görə, World Service kimyəvi silah üzrə ekspertlərlə, Gürcüstanın xüsusi təyinatlı qüvvələrinin nümayəndələri və həkimlərlə danışıb və müəyyən edib ki, “sübutlar Fransa hərbçilərinin ‘kamit’ adlandırdığı maddənin istifadə edildiyini göstərir”. “Gürcü Arzusu” 15 yanvarda keçirilən brifinqdə bildirib ki, media qurumuna bununla bağlı rəsmi şikayət təqdim edilib.

Mənbə: İnterPressNews

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.