ABŞ dövlət katibi Marko Rubio Vaşinqtonun NATO-dan çıxmayacağını deyir. O, fevralın 15-də Slovakiyanın baş naziri Robert Fitso ilə birgə çıxışında ABŞ-nin Avropada son qüvvə yerdəyişməsinin yaratdığı narahatlıqlara cavab verib.

"NATO-dan çıxmırıq. Alyansı tərk etmirik… Bir ölkədən digərinə bir neçə min əsgər göndərə bilərik, amma bu, həmişə olub", – Rubio deyib.

ABŞ-nin Avropada 80 mindən 100 minədək hərbçisi var, əməliyyatlardan, təlimlərdən asılı olaraq say dəyişir. Ötən ilin payızında Vaşinqton bəyan edib ki, çoxu Rumıniyada yerləşən 101-ci Hava-Desant Diviziyasının yeri dəyişdirilir.

Rubio Vaşinqtonun Avropanı müdafiəyə daha çox pul ayırmaq çağırışının təlaşla yozulmasını tənqid edib. "Biz hər dəfə bunu deyəndə adamlar dəli olurlar. Düşünürlər ki, biz NATO-dan çıxacağıq, müttəfiqlərimizi tərk edəcəyik. Biz müttəfiqlərimizin daha güclü olmasını, birlikdə daha güclü olmağımızı istəyirik", – Rubio deyib.

AzadlıqRadiosunun aparıcı Vaşinqton müxbiri Aleks Raufoğlu yazır ki, Rubio Avropa müttəfiqlərini müdafiəyə daha çox xərcləməyə çağırıb. O, ABŞ-nin Avropadan asılı qalmasını istəmədiyini açıq deyib: "Avropadan ABŞ-nin vassalı olmasını istəmirik. Sizin tərəfdaşınız olmaq istəyirik".

Bir gün öncə Münxen Təhlükəsizlik Konfransında çıxışında dövlət katibi ABŞ və Avropanın taleyinin oxşar olduğunu deyib. O həmçinin Avropanın mədəni və iqtisadi tənəzzülünü yoluna qoymağa, kütləvi miqrasiyaya nəzarəti saxlamağa çağırıb, transatlantik birliyi vurğulayıb.

Rubio Slovakiya səfəri bir neçə saat çəkib, oradan Budapeştə yollanıb. Onun Macarıstanın baş naziri Viktor Orban ilə görüşü gözlənilir.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.