TV Formula ABŞ Dövlət Departamentinin şərhini yayıb. Telekanalın bildirdiyinə görə, bu şərh departament tərəfindən onlara göndərilib.

ABŞ Dövlət Departamenti bəyan edib ki, ABŞ Gürcüstan ilə konstruktiv münasibətlər qurmağa çalışır və eyni zamanda “iki ölkə arasında münasibətlərin möhkəmləndirilməsi və irəlilədilməsi istiqamətində ciddi yanaşmanı təsdiqləmək üçün Gürcüstan hökumətinin ata biləcəyi addımları” nəzərdən keçirir.

“Amerika Birləşmiş Ştatları artıq 33

ildir ki, Gürcüstanın və gürcü xalqının seçilmiş tərəfdaşıdır. Biz Gürcüstanın müstəqilliyinin, suverenliyinin və ərazi bütövlüyünün qətiyyətli tərəfdarı olaraq qalırıq.

ABŞ Gürcüstanla konstruktiv münasibətlər qurmağa çalışır.

Prezident Donald Trumpun vasitəçiliyi ilə Ermənistan və Azərbaycan arasında əldə olunan sülh razılaşması bütün Cənubi Qafqaz üçün transformativ imkanlar yaradır. Gürcüstan həm bu prosesə öz töhfəsini verə, həm də bu razılaşmanın mümkün etdiyi sabitlik və rifahdan böyük fayda əldə edə bilər.

Biz ikitərəfli münasibətlərimizə və Gürcüstandakı siyasi mühitə təsir edən məsələlər üzrə Gürcüstan hökuməti ilə əlaqələri davam etdirəcəyik. Həmçinin ölkələrimiz arasında münasibətlərin möhkəmləndirilməsi və inkişafına ciddi yanaşmanı təsdiqləmək üçün Gürcüstan hökumətinin ata biləcəyi konkret addımları da müzakirə edirik”, – deyə TV Formulanın məlumatına görə, ABŞ Dövlət Departamentinin onlara göndərdiyi şərhdə bildirilir.

Məlumat üçün qeyd edək ki, Bidzina İvanişvilinin parlamentinin nümayəndə heyəti ABŞ-da səfərdə olub.

Fevralın 23-də hakimiyyətə yaxın televiziya kanalı TV Imedi məlumat yayıb ki, İvanişvilinin deputatları – Nikoloz Samxaradze, Mariam Laşxi və Lika Şartava “konqresmen Anna Paulina Lunanın dəvəti ilə” Vaşinqtonda martın 4-5-də keçiriləcək “Suveren Millətlər Alyansı” adlı tədbirdə iştirak edəcəklər.

Martın 4-də İvanişvilinin parlamentinin Xarici əlaqələr komitəsinin sədri Nikoloz Samxaradze ABŞ Milli Təhlükəsizlik Şurası katibinin müavini Andrew Baker ilə görüşüb.

Mənbə: Tabula

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.