Milli Qida Agentliyinin Sameqrelo və İmereti departamentlərinin nümayəndələri tərəfindən aparılan plandankənar yoxlamalar nəticəsində qeyri-qanuni heyvan kəsim məntəqələri aşkar edilib.

Agentliyin məlumatına görə, Abaşada fiziki şəxs J.S. qurum tərəfindən verilən məcburi fəaliyyət icazəsi olmadan, təkrar şəkildə iribuynuzlu mal-qaranı satış məqsədilə kəsib. Qeyri-qanuni fəaliyyət həmçinin Tercola və Zestafonidə də müəyyən edilib. Burada fərdi sahibkar Q.Z. və fiziki şəxs S.M. baytarlıq nəzarəti olmadan heyvan kəsimi həyata keçiriblər.

Hər iki obyektdə ciddi uyğunsuzluqlar aşkarlanıb. Tercoladakı qeyri-qanuni kəsim məntəqəsində 70 kiloqramdan artıq donuz və iribuynuzlu heyvan əti, Zestafonidə isə 8 kiloqram dovşan əti möhürlənib.

Fərdi sahibkar və fiziki şəxslər cərimələnib, istehsal prosesi isə bütün uyğunsuzluqlar aradan qaldırılanadək dayandırılıb. Məhsullar qanunvericiliyə uyğun şəkildə möhürlənib.

Milli Qida Agentliyi bildirir ki, baytarlıq nəzarəti olmadan heyvan kəsimi insan sağlamlığı və həyatı üçün təhlükə yaradır, eyni zamanda zoonoz xəstəliklərin, o cümlədən qarayara və brusellyozun yayılması riskini artırır.

Qurum vətəndaşları heyvanların qeyri-rəsmi və kustar şəraitdə kəsilməsindən çəkinməyə çağırır.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.