Ermənistanın xarici işlər naziri Ararat Mirzoyan 2022-ci ildən bəri ilk dəfə Türkiyədə illik beynəlxalq konfransa qatılmayacaq. Bu tədbirə hər il onlarla xarici lider və yüksəkvəzifəli şəxs qatılır.

Son dörd ildə Mirzoyan Antalyada konfranslar çərçivəsində panel müzakirələrdə çıxış edib, türkiyəli, azərbaycanlı həmkarları ilə ikitərəfli görüşlər keçirib.

Rubinyan da getmir
Builki Antalya Diplomatiya Forumuna qatılmamaq qərarını isə Ermənistan Xarici İşlər Nazirliyi şərh etməyib. Forumun rəsmi saytında bildirilir ki, Ermənistanı Mirzoyanın müavini Vaan Kostanyan təmsil edəcək.

Parlamentin sədr müavini Ruben Rubinyan da bu həftənin sonunda Antalyaya getməyəcəyini təsdiqləyib. O, qərarının səbəbini açıqlamayıb.

"Mən niyə hər dəfə ora getməliyəm?", – Rubinyan jurnalistlərə deyib.

Rubinyan Yerevanı Ankara ilə normallaşma danışıqlarında təmsil edir. O, Türkiyənin xüsusi elçisi Serdar Kılıç ilə bir neçə raund danışıqlar aparıb, 2022-ci ildə iki ikitərəfli saziş imzalanıb. Bu sazişlərdən biri Türkiyə-Ermənistan sərhədinin diplomatik pasport sahibləri və üçüncü ölkə vətəndaşları üçün açılmasını nəzərdə tutur. Ancaq bu razılaşma hələlik gerçəkləşməyib. Ankara Yerevanla münasibətlərinin normallaşmasını Ermənistan-Azərbaycan münaqişəsinin Azərbaycan üçün məqbul həlli ilə şərtləndirir.

Fidanın tənqidlərə yol açan bəyanatı
Türkiyə mediası ötən ilin sonlarında yazırdı ki, Ankara Ermənistanda parlament seçkiləri ərəfəsində - martda sərhədi qismən açmağı planlaşdırır. Türkiyənin xarici işlər naziri Hakan Fidan yanvarda bu seçkilər kontekstində baş nazir Nikol Paşinyanı tərifləyib.

Ermənistan müxalifəti Türkiyə hökumətini ölkənin daxili işlərinə qarışmaqda suçlayıb. Paşinyanın siyasi müttəfiqləri isə Fidanın Ermənistan liderini dəstəkləmədiyini bildiriblər.

Fidanın açıqlamasından öncə Paşinyanın siyasi rəqibləri iddia edirdilər ki, Türkiyə və Azərbaycan 'Mülki Müqavilə' partiyasının seçkilərdə qələbə qazanması üçün hər cür dəstəyi verə bilər. Müxalifət cinahı illərdir Paşinyanı öz hakimiyyətini qorumaq naminə Ankara və Bakıya birtərəfli güzəştlərdə ittiham edir. Baş nazirin komandası isə bu iddiaları qəti şəkildə rədd edir.

"Paşinyan hökuməti nəhayət dərk edib ki, Türkiyə Ermənistana qarşı düşmənçilik fəaliyyətinə son qoymaq üçün konkret addımlar atmadığı müddətcə, Antalya Forumunda yüksək səviyyədə təmsil olunmaq mənasızdır". Bu fikirləri Ermənistan parlamentinin müxalif deputatı Geqam Manukyan səsləndirib.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.