Ermənistan parlamentinin spikeri Alen Simonyan Rusiyanı iyunun 7-nə təyin edilmiş parlament seçkiləri vasitəsilə baş nazir Nikol Paşinyan hökumətini devirməyə cəhd göstərməkdə ittiham edib.

Simonyan Paşinyanın "Vətəndaş Müqaviləsi" partiyasının aparıcı üzvlərindən biridir. O, bu ittihamları həftəsonu Ermənistan İctimai Televiziyasına verdiyi müsahibədə səsləndirib.

"Ermənistanın quberniyaya çevrilməsinə imkan verməyəcəyik"
"Ukraynada öz maraqlarını hərbi yolla reallaşdırmağa çalışırlar. Ermənistanda isə siyasi əməliyyat

aparmağa, hakimiyyəti ələ keçirməyə cəhd edirlər. Demokratiyamızdan özümüzə qarşı istifadə etməyə çalışırlar. Deyirlər ki, "ölkənizdə internet azaddır, biz o internetdə rubllarımızla o qədər reklam alarıq ki, hər şey bizim olar'", – Simonyan deyib.

"Ermənistan Respublikasının quberniyaya çevrilməsinə imkan verməyəcəyik, bizi Belarus kimi idarə edə bilməyəcəklər", – o əlavə edib.

Moskva bu ittihamlara hələ reaksiya verməyib. Belarus Xarici İşlər Nazirliyi (XİN) isə mayın 5-də Ermənistanın Minskdəki müvəqqəti işlər vəkilini çağıraraq, Yerevanın "qeyri-dost addımları" ilə bağlı ona etiraz notası təqdim edib. Nazirlik rəsmisi Simonyanın açıqlamalarını "seçkiqabağı populizm" adlandırıb.

Ermənistan parlamentinin sədri mayın 6-da jurnalistlərə açıqlamasında öz mövqeyini bir daha təkrarlayaraq "Belarusun idarəetmə modeli ölkəm üçün qəbuledilməzdir" deyib.

"Hakimiyyəti ələ keçirməyə cəhd edilir", – deyən Simonyan Moskvaya ünvanlanmış ritorik hücumlarını davam etdirib.


Bəyanatlar Yerevanda Avropa sammitləri fonunda səslənib
AzadlıqRadiosunun erməni xidməti Simonyanın bəyanatlarının Yerevanda keçirilən iki Avropa sammitindən əvvəl və sonra səsləndiyinə diqqət çəkir. Ermənistan müxalifəti bu tədbirləri Paşinyan və onun partiyasına seçkiqabağı dəstək nümayişi kimi dəyərləndirir. Müxalifət liderlərinin iddiasına görə, Paşinyan Ermənistanı Qərbin Rusiya ilə geosiyasi qarşıdurmasına sürükləyir və bununla da ölkənin təhlükəsizlik risklərini daha da artırır.

Rusiya prezidenti Vladimir Putin aprelin 1-də Moskvada Paşinyanla görüşü zamanı Ermənistan hökumətinin Avropa İttifaqına yaxınlaşmasının ölkə üçün ağır iqtisadi nəticələr doğura biləcəyinə eyham vurub. Putin həmçinin Yerevanı iyunun 7-dəki parlament seçkilərində "rusiyayönümlü" adlandırdığı müxalif qüvvələrin iştirakına mane olmamaq barədə xəbərdarlıq edib.

Seçkilərdə iştirak edən üç müxalif blokun başında rusiyalı erməni milyarder Samvel Karapetyan, Rusiyaya yaxın sayılan keçmiş prezident Robert Koçaryan və digər nüfuzlu işadamı Qaqik Tsarukyan dayanır. Paşinyanın siyasi müttəfiqləri onları "Rusiyanın agentləri" adlandırırlar.

Paşinyan Putinlə son danışıqlarından sonra Rusiya-Ermənistan münasibətlərindəki gərginliyi azaltmağa çalışıb. "Azatutyun" Simonyanın kəskin açıqlamalarının bu gərginliyi yenidən alovlandıra biləcəyini vurğulayır.

Mənbə: Azadlıq Radiosu

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.