Gürcüstan Prokurorluğunun həyata keçirdiyi əməliyyat-istintaq tədbirləri nəticəsində 2024-cü ildə keçirilən aksiyalar zamanı Zviad Maisaşvili, Levan Xabeişvili və Quram Roqava barəsində törədilmiş zorakılıq faktları üzrə üç keçmiş və bir hazırkı xüsusi təyinatlı, eləcə də Daxili İşlər Nazirliyinin Mühafizə Polisi Departamentinin bir hazırkı əməkdaşı müəyyən edilərək saxlanılıb.

Prokurorluğun məlumatına görə, 5 təqsirləndirilən şəxsdən 2-si artıq başqa cinayət və inzibati işlər üzrə həbsdədir, digər 3 nəfər isə bu gün saxlanılıb.


Tbilisi Prokurorluğunun İstintaq İdarəsində bu işlərlə bağlı minlərlə istintaq və prosessual hərəkət aparılıb. 550-dən çox şəxs şahid qismində dindirilib.

Birinci epizod: 2024-cü il 30 noyabrda Rustaveli prospektində Daxili İşlər Nazirliyinin Xüsusi Tapşırıqlar Departamentinin o vaxtkı iki əməkdaşı Zviad Maisaşviliyə fiziki zor tətbiq edib. Nəticədə o, huşunu itirib. Bu görüntülər ictimaiyyətə də məlumdur.

İkinci epizod: 2024-cü il 30 aprel tarixində Rustaveli prospektində keçirilən aksiya zamanı həmin departamentin o vaxtkı əməkdaşı (hazırda Dövlət Təhlükəsizliyi Xidmətinin xüsusi əməliyyatlar bölməsində şöbə rəisi vəzifəsində çalışan) və daha bir əməkdaş Levan Xabeişviliyə qarşı zorakılıq törədib.

Üçüncü epizod: 2024-cü il 29 noyabrda Rustaveli prospektində keçirilən aksiya zamanı Xüsusi Tapşırıqlar Departamentinin əməkdaşı jurnalist Quram Roqavaya fiziki zor tətbiq edib. O, həmin vaxt peşə fəaliyyətini yerinə yetirirdi.

Beş saxlanılan şəxsə Gürcüstan Cinayət Məcəlləsinin 333-cü maddəsinin 3-cü hissəsinin “b” bəndi ilə ittiham irəli sürüləcək. Bu, vəzifə səlahiyyətlərini zor tətbiq etməklə aşmağı nəzərdə tutur. Quram Roqava ilə bağlı epizod üzrə saxlanılan şəxsə əlavə olaraq 154-cü maddənin 2-ci hissəsi ilə də ittiham verilib. Həmin maddə jurnalistin peşə fəaliyyətinə zorakılıqla qanunsuz müdaxiləni nəzərdə tutur.

Prokurorluğun açıqlamasına görə, bu ittihamlar 5 ildən 8 ilədək azadlıqdan məhrumetmə cəzasını nəzərdə tutur. Qurum məhkəməyə bütün təqsirləndirilən şəxslər barəsində həbs qətimkan tədbirinin seçilməsi ilə bağlı vəsatət təqdim edəcək.

Prokurorluq digər hüquq-mühafizə orqanları ilə koordinasiyada həm bu, həm də digər mümkün zorakılıq faktları üzrə istintaqı davam etdirir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.