Mərkəzi Kriminal Polis Departamentinin direktoru David Kiknadze bildirib ki, Gürcüstan Daxili İşlər Nazirliyinin Mərkəzi Kriminal Polisi və Tbilisi Polis Departamentinin əməkdaşları Baş Prokurorluqla birlikdə son 24 saat ərzində ölkə üzrə həyata keçirilən kompleks əməliyyat və prosessual tədbirlər nəticəsində məhkəmə qərarı əsasında “qanuni oğru” aləmi ilə əlaqədə olan 44 nəfəri saxlayıblar.

Onun sözlərinə görə, daha 7 nəfərə ittiham irəli sürülüb. Onların bir hissəsinə penitensiar müəssisədə, bir hissəsinə isə qiyabi qaydada, o cümlədən xaricdə olan iki “qanuni oğruya” qarşı ittiham elan edilib.

İstintaqın məlumatına görə, təqsirləndirilən şəxslər “oğru mübahisələri” təşkil edir və “oğru qərarları” qəbul edirdilər.

David Kiknadzenin sözlərinə görə, saxlanılan şəxslər “qanuni oğru” aləminin nümayəndələri, o cümlədən Levan Marğia və Nodar Şukakidze ilə əlaqədə olublar. İstintaqa əsasən, onlar şəxsi mənfəət əldə etmək məqsədilə “oğru qaydaları”na uyğun şəkildə vətəndaşlar arasında maliyyə və kriminal mübahisələrə dair qərarlar qəbul edir, daha sonra tərəflərdən pul tələb edirdilər. Tələblər yerinə yetirilmədiyi halda isə fiziki zorakılıq və ölümlə hədələyirdilər.

İstintaqla həmçinin müəyyən edilib ki, cinayətkar qrupun üzvləri əvvəlcədən hazırlanmış plan əsasında Tbilisinin müxtəlif rayonlarında avtomobillərlə hərəkət edir, konkret şəxsləri seçir və onların iradəsinə zidd olaraq internet-bank vasitəsilə kredit aktivləşdirirdilər. Daha sonra həmin vəsaitləri öz hesablarına köçürürdülər.

Hüquq-mühafizə orqanlarının məlumatına görə, təqsirləndirilən şəxslər “qanuni oğrulara” Tbilisidə yaşayan və “oğru aləmi” adından maddi gəlir və pul tələb etmək mümkün olan şəxslər barədə vaxtaşırı məlumat ötürürdülər.

Keçirilən axtarışlar nəticəsində maddi sübut kimi mobil telefonlar, kompüter texnikası və odlu silahlar götürülüb.

İstintaq Gürcüstan Cinayət Məcəlləsinin 223 prima, 223 tertsia, 223 kvarta və 236-cı maddələri ilə aparılır. Həmin maddələr 15 ilədək azadlıqdan məhrumetmə cəzasını nəzərdə tutur.

Gürcüstan Daxili İşlər Nazirliyinin bəyanatına görə, qurum mütəşəkkil cinayətkarlıq və “qanuni oğru” aləmi ilə bağlı cinayət fəaliyyətinə qarşı mübarizəni davam etdirir.

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.