Gözlənildiyi kimi, bu təşəbbüs tezliklə qanuna çevriləcək və “Dövlət müəssisələrində əməyin ödənilməsi haqqında” qanunda müvafiq düzəlişlər əks olunacaq.

Layihəyə əsasən, həm mərkəzi, həm də Abxaziya və Acariya muxtar respublikalarının hökumət üzvlərinin, dövlət müvəkkillərinin və bələdiyyə merlərinin müavinləri vəzifə maaşına əlavə və pul mükafatı almaq hüququna malik olacaqlar.

Müavinlərə maliyyə həvəsləndirilməsi hüququ niyə qaytarılır?

Qüvvədə olan qanunvericiliyə görə, nazirlər, merlər, dövlət müvəkkilləri və onların müavinlərinin əlavə ödəniş və pul mükafatı alması məhdudlaşdırılıb. Qanun layihəsinin izahat vərəqəsinə əsasən, bilavasitə rəhbər şəxslər (məsələn, nazirlər və ya merlər) üçün bu məhdudiyyət maraqlar toqquşmasının qarşısını almaq və öz əməyini özbaşına həvəsləndirmə riskini aradan qaldırmaq üçün əsaslandırılıb.

Lakin qanun layihəsinin müəllifləri izah edirlər ki, müavinlərin vəziyyətində belə bir risk yoxdur, çünki onların qəbul etdiyi qərarlara birbaşa yuxarı vəzifəli şəxslər nəzarət edir. Təşəbbüskarların arqumentinə görə, qurumun digər əməkdaşlarına onsuz da mükafat və əlavələr verildiyi halda, prioritetlərin icrasında əsas yükü daşıyan müavinlərin bu prosesdan kənarda qalması ədalətsizlikdir. Dəyişikliyin əsas məqsədi məhz onların əməyinin maddi stimullaşdırılması və digər əməkdaşlarla bərabər şəraitə gətirilməsidir.

İzahat vərəqəsinə görə, əlavə və mükafatların verilməsi yuxarı vəzifəli şəxsin qərarı ilə və mövcud büdcədə nəzərdə tutulmuş vəsaitlər çərçivəsində həyata keçiriləcək.

Yeni tənzimləmə ilə veriləcək məbləğlərin yuxarı həddi müəyyən edilib:

• Maaş əlavəsinin birdəfəlik həcmi 1 aylıq vəzifə maaşının məbləğindən çox olmamalıdır.
• İl ərzində alınan ümumi əlavələr illik vəzifə maaşının 20%-ni keçə bilməz.
• İllik pul mükafatının (mükafat fondundan) maksimum həddi vəzifə maaşının 10%-i qədər müəyyən edilir.

Təbii ki, bu dəyişiklik dövlət, muxtar respublika və bələdiyyə büdcələrinin xərc hissəsinə birbaşa təsir göstərəcək, çünki əlavə maliyyə mənfəəti alacaq şəxslərin dairəsi genişlənir.

İnzibati müqavilə ilə işləyənlərin kvotası da artırılır

Yüksək vəzifəli şəxslərin müavinlərinin həvəsləndirilməsi ilə yanaşı, qanun layihəsi dövlət qurumlarında kadrların işə qəbulu üzrə faiz limitlərini də dəyişir. Xüsusilə, dövlət müəssisəsində inzibati müqavilə ilə işləyən şəxslərin sayının yuxarı həddi mövcud 10%-dən 15%-ə qaldırılır (yalnız bələdiyyənin icraedici orqanına tabe olan müəssisələr istisnadır ki, orada məhdudiyyət yenə 10% qalacaq).

İzahat vərəqəsinə görə, bu dəyişiklik 2024-cü ildə qəbul edilmiş qərarla bağlıdır. Həmin qərara əsasən, ilkin struktur bölmələrinin rəhbərləri və onların müavinləri dövlət qulluqçusu kateqoriyasından çıxarılaraq inzibati müqavilə ilə işləyən şəxslər kimi müəyyən ediliblər. Bu, avtomatik olaraq həmin növ müqavilə ilə işləyənlərin statistik artımına səbəb olub, nəticədə hökumət mütəmadi olaraq 10%-lik həddin aşılması üçün istisna icazələr verməli olurdu. Limitin 15%-ə qaldırılması bu istisna halları minimuma endirəcək.

Məlumat üçün: Siyasi vəzifə tutan şəxslər (nazirlər, merlər, dövlət müvəkkilləri və onların müavinləri) üçün mükafat və maaş əlavələrinin verilməsinə ciddi məhdudiyyət/ləğv edilməsi 1 yanvar 2018-ci ildən qüvvəyə minib. Bu qərar 2017-ci ilin dekabrında qəbul edilmiş “Dövlət müəssisələrində əməyin ödənilməsi haqqında” qanun qüvvəyə mindikdən sonra tətbiq olunmuşdu.

Vaxtilə bu məhdudiyyətin tətbiq edilməsinin bir neçə əsas səbəbi var idi:

• 2018-ci ilə qədər dövlət sektorunda mükafat və əlavələrin verilməsi sistemi praktiki olaraq tənzimlənmirdi. Yüksək vəzifəli şəxslər tez-tez heç bir qiymətləndirmə meyarı olmadan, hər ay və ya bayramlarda əsassız dərəcədə yüksək əlavələr alırdılar ki, bu da cəmiyyətin ciddi tənqidinə səbəb olurdu.
• Siyasi vəzifəli şəxslər (məsələn, nazirlər və ya merlər) birbaşa qurumun fəaliyyətinə rəhbərlik edir və onun büdcəsini idarə edirlər. Onlara mükafat almaq hüququnun verilməsi birbaşa maraqlar toqquşması yaradırdı — yəni, onlar praktiki olaraq öz əməklərini özbaşına həvəsləndirə bilirdilər ki, bu da korrupsiya riskləri daşıyırdı.
• İslahatın məqsədi dövlət qulluqçularının və yüksək vəzifəli şəxslərin maaşlarını standartlaşdırmaq idi. Yeni qanunla koeffisientlər sistemi tətbiq edildi. Müvafiq olaraq, siyasi vəzifəli şəxslərin gəliri yalnız sabit vəzifə maaşı ilə müəyyən edildi və onun əlavələrlə süni şəkildə artırılması qadağan olundu.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.