“Müxalifət Alyansı” onların sözlərinə görə, Gürcüstanda azad və ədalətli seçkilərin keçirilməsi üçün vacib olan 6 əsas tələbi irəli sürüb.

Alyansın bəyanatına görə, bu tələblərin yerinə yetirilməsi cəmiyyətin seçki prosesinə olan etimadını bərpa edəcək və bu, nəticə etibarilə “Bidzina İvanişvili rejiminin dəyişməsi ilə nəticələnəcək.”

“‘Müxalifət Alyansı’nın əsas məqsədi ‘Gürcü Arzusu’nu hakimiyyətdən uzaqlaşdırmaqdır. Biz bunu ilk növbədə ədalətli

və bərabər seçkilər yolu ilə mümkün olan əsas vasitə hesab edirik. Lakin ədalətli və azad seçkilərdən danışmazdan əvvəl aşağıdakılar zəruridir: siyasi məhbusların azad edilməsi; siyasi motivli cinayət işlərinə son qoyulması; həmçinin demokratik institutları, tənqidi medianı, siyasi partiyaları, vətəndaş cəmiyyəti qruplarını və demokratiya üçün vacib olan digər mexanizmləri faktiki olaraq dağıdan və ya ciddi təhlükə altına salan repressiv qanunların ləğvi.”

Azad və ədalətli seçkilərin keçirilməsi üçün aşağıdakı 6 əsas tələb yerinə yetirilməlidir:

• Seçki administrasiyası dəyişdirilməlidir və tam şəkildə paritet (bərabər təmsilçilik) prinsipi əsasında formalaşdırılmalıdır. 2020–2024-cü illər seçkilərində seçki baryerini keçmiş partiyalar əsasında, hər partiyadan bir nümayəndə olmaqla tərkib müəyyən edilməlidir. Sonrakı bütün komissiyalar da yeni komissiya tərəfindən məhz bu prinsip əsasında formalaşdırılmalıdır. 2024-cü il seçkilərini legitim hesab etməsək də, baryeri keçmiş partiyalar prinsipinə əsaslanaraq bu göstəricini qəbul edirik.
• Mühacirlərə (xaricdə yaşayan vətəndaşlara) seçki hüququ geri qaytarılmalıdır və onların seçkilərdə iştirak imkanları sadələşdirilməlidir. Xarici ölkələrdə, sənəddə göstərilən sayda mühacirin yaşadığı yerlərdə seçki məntəqələri açılmalıdır.
• Etibarlı komissiya ilə yanaşı, etibarlı texnologiyalar da vacibdir. Bunun üçün seçicilərin identifikasiya (verifikasiya) prosesi sərtləşdirilməli, üz tanıma cihazları tətbiq edilməlidir.
• Audit və yoxlama prosesinə etibarlı beynəlxalq audit şirkəti cəlb olunmalıdır. Bu şirkət həm seçki avadanlıqlarını, həm də səsvermə günü keçirilən prosesi audit etməlidir.
• Seçici siyahıları açıq olmalıdır və seçicilərin səsvermədə iştirak edib-etmədiyini ictimai şəkildə yoxlamaq mümkün olmalıdır.
• Seçki şikayətləri ilə bağlı məhkəmələrdə xüsusi seçki mübahisələri kollegiyaları yaradılmalıdır. Bu kollegiyalar ümumi razılaşma əsasında seçilməlidir.

“Yalnız bu 6 prinsip və tələbin yerinə yetirilməsi halında biz, müxalifət alyansı olaraq, ən azı minimal demokratik standartlara uyğun şəkildə keçirilmiş seçkilərin legitimliyini qəbul edə bilərik və bu legitimlik şübhə altına alınmaz.

2024-cü il seçkilərində seçki prosesində kobud pozuntular və çoxsaylı manipulyasiyalar nəticəsində seçkilərin nəticələrinə təsir göstərilib. Nəticədə siyasi böhran yaranıb. Məhz bu siyasi böhranın aradan qaldırılması və normal, ədalətli, azad şəraitdə seçkilərin keçirilməsi üçün bu 6 şərtin yerinə yetirilməsi vacibdir. Bu, seçicilərin seçki prosesinə inamını bərpa edəcək və sonda Bidzina İvanişvilinin hakimiyyətini dəyişəcək,” — deyə alyansın bəyanatında bildirilir.

Alyansın tələblərinə İrakli Kobaxidze də münasibət bildirib və deyib ki, “2028-ci il seçkiləri hazırda qüvvədə olan qanunvericilik əsasında keçiriləcək.”

“Bununla bağlı hər kəsə söz verirəm. Mövcud qanunvericilik beynəlxalq standartlara tam uyğundur,” — deyə Kobaxidze bildirib.

Mənbə: Publika

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.