Milli Statistika Xidmətinin dərc etdiyi məlumatlara əsasən, 2025-2026-cı tədris ilində Gürcüstanda ümumilikdə 44 440 xarici tələbə təhsil alır.
2024-2025-cı tədris ilində isə onların sayı 37 125 nəfər təşkil edirdi.

Bununla yanaşı, həmin məlumatlara görə, 2025-2026-cı tədris ilində xarici tələbələrin 36 895-i özəl universitetlərdə, 7 545-i isə dövlət universitetlərində təhsil alırdı.

Məlumatlara əsasən, xarici tələbələrin 54%-i Hindistanın payına düşür, növbəti mövqelərdə isə 6% ilə İsrail və 5.6% ilə İordaniya qərarlaşıb.
Daha konkret olaraq, "BusinessPressNews" Gürcüstanın ali təhsil müəssisələrində ən çox tələbəsi olan ölkələrin onluğunu təqdim edir:

• Hindistan - 23 906
• İsrail - 2 781
• İordaniya - 2 523
• Pakistan - 2 280
• Sudan - 2 211
• Livan - 1 511
• Misir - 1 172
• Böyük Britaniya - 1 005
• Azərbaycan - 896
• Rusiya - 745
• Banqladeş - 503

Məlumat üçün bildirək ki, Daxili İşlər Nazirliyinin müəllifliyi ilə "Xaricilərin və vətəndaşlığı olmayan şəxslərin hüquqi vəziyyəti haqqında" qanuna və ondan irəli gələn qanunvericilik aktlarına dəyişikliklər layihəsi hazırlanıb.

Qurumun izahatına görə, mövcud hüquqi baza xarici tələbənin təhsili ilə bağlı təfərrüatlı tənzimləmələri nəzərdə tutmur. Onların verdiyi məlumata görə, praktikada elə hallar olur ki, xarici ölkə vətəndaşı universitetə formal olara qəbul edilir, lakin real olaraq onun tədris prosesində iştirakı təsdiqlənmir.

DİN-in bəyanatına görə, dəyişikliklərlə ali və peşə təhsili müəssisələrinə xarici tələbələrin qəbulu üçün beynəlxalq dil sertifikatının təqdim edilməsi və/və ya NAEC (Milli Qiymətləndirmə və İmtahanlar Mərkəzi) tərəfindən təşkil olunmuş xarici dil/dövlət dili imtahanından keçmək kimi əlavə şərtlər müəyyən ediləcək.

Bununla yanaşı, təhsil müəssisəsi xarici tələbə haqqında bütün lazımi məlumatları müvafiq dövlət qurumlarının çıxışı olacaq vahid informasiya sistemində əks etdirməyə borclu olacaq.

Təhsil müəssisələri üçün xarici tələbələrin uçot qaydalarının pozulmasına görə inzibati məsuliyyət müəyyən edilir; sanksiya növü kimi isə həm cərimə, həm də xarici tələbələrin qəbuluna məhdudiyyət qoyulması və avtorizasiyanın (fəaliyyət icazəsinin) ləğv edilməsi tətbiq oluna bilər.

Mənbə: BPN

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.