Salome Zurabişviliyə demokratiyanın və insan hüquqlarının müdafiəsi sahəsində xüsusi xidmətlərinə görə Freedom House tərəfindən Mark Palmer Mükafatı təqdim edilib.

Mətbuat xidmətinin məlumatına görə, mükafatın təqdim olunması münasibətilə xüsusi təntənəli mərasim Gürcüstanın beşinci prezidenti Salome Zurabişvilinin şərəfinə Vaşinqtonda beynəlxalq insan haqları təşkilatı tərəfindən təşkil olunub.

Təşkilatın açıqlamasında bildirilir ki, bu mükafat Salome Zurabişvilinin son illərdə Gürcüstanın Avropa kursunun və demokratik inkişafının müdafiəsində oynadığı xüsusi rolu vurğulayır. Həmçinin, ona 2026-cı il Mark Palmer Mükafatının təqdim edilməsi onun prinsipial liderliyinin və demokratik dəyərlərə sadiqliyinin tanınmasıdır.

Mark Palmer Mükafatı demokratiyanın və insan hüquqlarının inkişafına mühüm töhfə vermiş diplomatlara və hökumətlərarası təşkilatlarda çalışan rəsmi şəxslərə təqdim edilir. Mükafatın laureatı demokratik dəyərlərə, azad seçkilərə, vətəndaş azadlıqlarına və qanunun aliliyinə dəstəyi ilə seçilməlidir.

Təltifetmə mərasimində çıxış edən Salome Zurabişvili deyib:

“Mark Palmer Mükafatı Komitəsinə və Freedom House-a təşəkkür etmək istəyirəm. Bu mükafata nə dərəcədə layiq olduğumu bilmirəm, amma bir şeyə tam əminəm ki, Gürcüstanda bu mükafata həqiqətən layiq olan çox sayda insan var.

Bunlar artıq 18 aydır ki, tamamilə əsassız şəkildə həbsdə saxlanılan vicdan məhbuslarıdır. Onlar yalnız Gürcüstanın yolunu və müstəqilliyini müdafiə etdiklərinə və bunu açıq şəkildə dilə gətirdiklərinə görə həbs olunublar.

Əminəm ki, bu mükafat həbsdə olan və amansız, qeyri-insani rəftara məruz qalan jurnalistlərə də məxsusdur.

Əminəm ki, bu mükafata bu gün Gürcüstanda sadəcə səki kənarında dayandıqlarına görə həbs edilən insanlar da layiqdirlər.

Ümumilikdə, Gürcüstan tərəfdaşlarımızın daha çox diqqətinə layiqdir. Baxmayaraq ki, Gürcüstandakı mövcud rejim nə rəğbətə, nə də xüsusi diqqətə layiqdir.

İki məqamı xüsusi vurğulamaq istəyirəm. Birincisi, bu, həqiqətən də demokratiyanın geriləməsidir. Amma mən bu ifadəni sevmirəm, çünki baş verənlər sadəcə geriləmə deyil; bu, demokratiyanın dağıdılması və məhv edilməsidir.

İkincisi isə odur ki, Gürcüstan nümunəsində söhbət yalnız diktatura və avtoritar rejimin yüksəlişindən getmir. Bu, Rusiya tərəfindən idarə olunan, yaxşı təşkil edilmiş və incəliklə hazırlanmış bir plandır. Model Rusiyada yaradılıb və biz sadəcə həmin modeli izləyirik.

Bütün repressiv qanunlar Rusiya qanunlarının dəqiq surətləridir. Bu sahələrdə Rusiya xüsusi xidmət orqanlarının izini görmək mümkündür. Onlar indi cəmiyyəti təkcə repressiya etməyə deyil, həm də ümidsizliyə və depressiyaya sürükləməyə çalışırlar.

Gürcüstanda baş verənlər Amerika Birləşmiş Ştatları üçün də əhəmiyyətlidir. Çünki Moskvanın Qafqaza bu qədər asan şəkildə qayıtmasına imkan verilməsi Rusiyaya yanlış siqnal olardı. Mən hesab etmirəm ki, Rusiya keçmiş Sovet İttifaqını bərpa etməyə çalışır, buna ehtiyacı da yoxdur. Bu günün məqsədi qeyri-dövlət, qeyri-demokratik məkanlar yaratmaqdır; ən azı elə bir məkan ki, orada Avropa və Amerikanın artıq yeri olmasın”.

Mənbə: publika.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.