Kremlin mətbuat katibi Dmitri Peskov Azərbaycan Prezidenti İlham Əliyevin Ukraynaya dəstək mövqeyini tənqid edərək onu "yanlış" adlandırıb.
İlham Əliyev bir gün əvvəl bəyan etmişdi ki, Azərbaycan Ukraynaya "ictimai görüntü naminə deyil, səmimi şəkildə" yardım edir və ukraynalıları "heç vaxt işğalla barışmamağa" çağırmışdı.

"Bunu yanlış hesab edirik" — Peskov
İyulun 14-də Kremlin mətbuat katibi Dmitri Peskov jurnalistlərin sualını cavablandırarkən İlham Əliyevin bəyanatını belə dəyərləndirib:
"Ukrayna ilə bağlı onun mövqeyini yanlış hesab edirik. Və biz bütün kanallar vasitəsilə ardıcıl və əsaslandırılmış şəkildə bunun nə üçün yanlış olduğunu izah edəcəyik."

O əlavə edib:
"Elə bir sıra dövlətlər var ki, onlarla sıx münasibətlərimiz mövcuddur və onlar da bu mövqeyi bölüşürlər. Lakin biz bununla qətiyyən razı deyilik. Bəli, bu, aramızdakı fikir ayrılığı mövzusudur."

Peskov eyni zamanda vurğulayıb ki, "bu məsələ Rusiya-Azərbaycan ikitərəfli münasibətlərinə kölgə salmaq üçün səbəb deyil" və tərəflər "praqmatik yanaşmaya sadiq qalırlar."

"Heç vaxt işğalla barışmayın" — Əliyevin Ukraynaya çağırışı
Dünən, iyulun 13-də Qarabağın Şuşa şəhərində keçirilən Media Forumunda İlham Əliyev ukraynalı jurnalist Dmitri Qordonun sualını cavablandırarkən deyib:
"Düşünmürəm ki, Ukrayna xalqının və ya Ukrayna rəhbərliyinin mənim məsləhətimə ehtiyacı var. Ancaq bu gün də eyni tövsiyəni təkrarlayardım: heç vaxt işğalla barışmayın. Ukrayna da məhz bunu edir. O, ötən ilin çox çətin məqamlarına baxmayaraq, işğalla barışmır."

O, Ukraynanın ərazi bütövlüyünə dəstəyini bir daha ifadə edib:
"Azərbaycanın mövqeyi dəyişməz olaraq qalır. Biz hər zaman Ukraynanın ərazi bütövlüyünü, suverenliyini və beynəlxalq səviyyədə tanınmış sərhədlərinin toxunulmazlığını dəstəkləmişik. Bundan sonra da bu mövqeyimizi davam etdirəcəyik."

"Heç bir ölkənin sərhədləri güc tətbiq etməklə dəyişdirilə bilməz", — deyə Azərbaycan Prezidenti bildirib.

• Rusiya ilə Azərbaycan arasında münasibətlər 2024-cü ilin sonlarında, Rusiyanın hava məkanında zenit atəşi nəticəsində "Azərbaycan Hava Yolları"na məxsus sərnişin təyyarəsinin vurularaq qəzaya uğramasından sonra gərginləşib.
• Oktyabrın əvvəlində Düşənbədə Rusiya və Azərbaycan prezidentlərinin görüşü keçirilib.
• Danışıqlar zamanı Vladimir Putin etiraf edib ki, Azərbaycanın sərnişin təyyarəsi Rusiyanın hava hücumundan müdafiə sisteminin fəaliyyəti nəticəsində qəzaya uğrayıb və zərərçəkənlərə kompensasiya veriləcəyinə söz verib.
• Rusiya Prezidenti üzr istəyib.
• 2025-ci il oktyabrın 24-də Vladimir Putin və İlham Əliyev telefon danışığı aparıblar.

Mənbə: radiotavisupleba.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

 

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.