Mamuka Mdinaradzenin sözlərinə görə, Nifrət Nitqinə Qarşı Mübarizə İdarəsinin fəaliyyətə başlamasından 1,5 ay sonra sosial şəbəkələrdə təhqiredici paylaşımların sayı əhəmiyyətli dərəcədə azalıb.

Hüquq-mühafizə orqanlarının fəaliyyətinin koordinasiyası məsələləri üzrə dövlət nazirinin sözlərinə görə, statistik göstəricilər müsbət dinamika nümayiş etdirir. Bununla belə, əsas məqsəd cəmiyyətdə davranış normalarının dəyişdirilməsidir.

"Əgər məsələyə statistik baxımdan yanaşsaq və rəqəmlər səviyyəsində qiymətləndirsək, əlbəttə ki,

[təhqiredici paylaşımlar] əhəmiyyətli dərəcədə azalıb. Lakin səmimi desək, bizim əsas məqsədimiz nədir? Məqsəd odur ki, insanlar bir-birini təhqir etməyi normal və adi davranış kimi qəbul etməsinlər.

Ola bilsin ki, bu gün bu istiqamətdə sərt hüquqi siyasət və ciddi hüquqi qərarlar tətbiq olunur. Lakin bu, uzunmüddətli və ortamüddətli perspektivdə də təhqirin cəmiyyət üçün norma halına gəlməsinin qarşısını alacaq", – deyə Mamuka Mdinaradze bildirib.

Vitse-baş nazirin sözlərinə görə, Nifrət Nitqinə Qarşı Mübarizə İdarəsinin yaradılması alternativi olmayan düzgün qərar idi və bu cür əməllərə yol verən şəxslər ciddi cəza almalıdırlar.

"Çox yaxşıdır ki, bunun artıq nəticələri var. Sosial şəbəkələrdə nifrət və düşmənçilik ifadə edən paylaşımlar, müraciətlər və bu kimi hallar azalıb. Əgər bu nəticəni əldə edə biliriksə, bu, şübhəsiz və alternativsiz şəkildə çox düzgün qərardır. Bu, hətta insanlar arasında münasibətlərin normallaşmasına da kömək edəcək. Hər kəs bilməlidir ki, kənardan kiminsə tapşırığı ilə hərəkət etsələr belə, ana söymək və insanları təhqir etmək heç vaxt norma ola bilməz. Onlar buna alışmalı və Gürcüstanın hüquq siyasətinin müəyyən etdiyi ciddi cəzanı, daha doğrusu, sanksiyanı qəbul etməlidirlər", – deyə Mdinaradze bildirib.

Qeyd edək ki, Gürcüstan Daxili İşlər Nazirliyi Nifrət Nitqinə Qarşı Mübarizə üzrə yeni idarəni cari ilin 1 iyun tarixindən fəaliyyətə başlayıb.

Nazirliyin məlumatına görə, idarənin əsas vəzifəsi insan ləyaqətini alçaldan, təhqiredici və nifrət nitqi ehtiva edən, ictimaiyyətə açıq şəkildə yayılan bəyanatların monitorinqini aparmaq və Gürcüstanın İnzibati Xətalar Məcəlləsində nəzərdə tutulmuş inzibati xəta əlamətləri daşıyan halları proaktiv şəkildə aşkar etməkdir.

Belə pozuntu aşkar edildiyi halda, cəza tədbiri 1 500 lari məbləğində cərimə, təkrar törədildiyi halda isə 6 000 lariyə qədər cərimə nəzərdə tutur.

Mənbə: BusinessMedia

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.