"Gürcü Arzusu"nun tərəfdarı olan filosof Zaza Şatirişvili Gürcüstan Milli Bankının sabiq rəhbəri Roman Qotsiridzenin bəyanatını tənqid edib. Qotsiridze Bidzina İvanişviliyə yaxın olan biznesmen və Gürcüstan Birgə İnvestisiya Fondunun keçmiş rəhbəri Qiorqi Baçiaşvilinin ABŞ-da 51,5 milyon dollara villa satmasını Bidzina İvanişvili ilə əlaqələndirmişdi.
Şatirişvilinin sözlərinə görə, keçmiş baş nazirlər — "nə Kvirikaşvili və Baxtadze, nə ölkədən qaçan Qaxariya, nə də hazırda həbsdə olan və Bidzina İvanişvili ilə təxminən 20 il əməkdaşlıq edərək yaxın şəxsi münasibətləri olan Qaribaşvili onun cinayətkar fəaliyyəti haqqında hər hansı sual doğuracaq bir tək fakt, arqument və ya hətta məntiqi şübhə belə təqdim edə bilməyiblər".

Şatirişvili bunu onunla izah edir ki, "Bidzina İvanişvili illərdir dürüstcəsinə çalışır, onun üçün əsas zəmanət də məhz təmiz keçmişidir".

Onun sözlərinə görə, "Bidzina İvanişvili öz ölkəsinə və xalqına səmimiyyətlə xidmət etməyən hər kəsdən hesab tələb edir. Onların danışa biləcəyi yeganə şey cənab Bidzinanın hər kəsdən maksimum nəticə tələb etməsi, korrupsiyaya qoşulmağı, yalanı, şəxsi mənfəət naminə başqalarının maraqlarına xidmət etməyi və ya öz vətəninə qarşı çıxmağı heç kimə bağışlamamasıdır".

"Qotsiridzenin bəyanatına görə, Baçiaşvilinin özünə məxsus əmlakı satması və maliyyə vəsaitlərini öz hesablarında cəmləşdirməsi onun Bidzina İvanişvilidən təhlükə gözləmədiyi deməkdir, lakin ona bu zəmanəti nəyin verdiyi məlum deyil. Digər tərəfdən, İvanişviliyə Baçiaşvilinin xaricdə dilə gəlməyəcəyinə və onun 'cinayətləri' haqqında danışmayacağına nəyin zəmanət verdiyi də məlum deyil.

Qotsiridze bu təbliğat mesajı ilə özünün azsaylı oxucularına guya Bidzina İvanişvilinin Baçiaşviliyə qarşı qanunsuz rəftar etdiyini bir fakt kimi təqdim etməyə çalışır, həmçinin bu iki şəxsin bir-birinə qarşı niyə müəyyən zəmanətlərə malik ola biləcəyi barədə şübhə yaratmağa cəhd edir. Lakin eyni zamanda, özünün uydurduğu zəmanətlərin möhkəmliyini özü də sual altına alır. Daha diqqətçəkən məqam odur ki, bu bəyanatda ümidsizliyə çevrilmiş bir gözlənti hiss olunur — güman edirlər ki, bir gün müxtəlif vaxtlarda Bidzina İvanişvili ilə biznesdə və ya siyasətdə yaxın işgüzar münasibətdə olmuş kimsə nə vaxtsa dilə gələcək və onun 'qaranlıq' işləri haqqında danışacaq. Bu yanaşma yalnız Qotsiridze üçün değil, bütün radikal müxalifət üçün xarakterikdir, çünki biz vaxtilə Bidzina İvanişvili ilə əməkdaşlıq etmiş, bu gün isə onunla qarşıdurmada olan və ya əlaqəsini kəsən bir çox şəxslə bağlı oxşar məzmunlu bəyanatlar eşitmişik.

Baçiaşvili tərəfindən 'dilə gəlmək' istəyinin və gözləntisinin əbəs olduğunu o da sübut edir ki, o, vaxtında Bidzina İvanişviliyə qarşı açıq şəkildə bəyanatlar verirdi, sonra öz cinayətini pərdələmək üçün siyasi təqib görüntüsü yaratmağa çalışdı, açıq şəkildə etirazlara qoşuldu və bizə Ukraynanı dəstəklədiyinə və müxalifət cinahında aktivliyinə görə cəzalandırıldığını inandırmağa çalışdı, daha sonra isə ölkədən qaçdı. Bidzina İvanişviliyə qarşı hər hansı məlumatı və ya faktı vardısa, açıq və arqumentli şəkildə danışmaq üçün kifayət qədər vaxtı var idi, lakin küçə pafoslu, mənasız və qısamüddətli təbliğata hesablanmış bəyanatlardan başqa ondan heç nə eşitmədik.

Qotsiridzenin ümidsiz arzusu və Baçiaşvilinin halı xarici qüvvələrin itaətkar müxalifətçilərinin vəziyyətini dəqiq təsvir edir — onlar artıq 10 ildir ki, Bidzina İvanişvili ilə işgüzar münasibətlərini kəsən insanların danışmasını gözləyirlər. Əvvəlcə, 'Gürcü Arzusu' koalisiyası dağıldıqdan sonra gah 'Azad Demokratlar'dan və Alasaniadan, gah 'Respublikaçılar'dan, Usupaşvili və ya Berdenişvililərdən danışacaqlarını gözləyirdilər, Xuxaşvilinin də adını eşidirdik, bu yaxınlarda isə uzun illər Bidzina İvanişvilinin vəkili olmuş və onun fəaliyyəti haqqında yaxşı məlumatlı olan Viktor Kipiani də müxalif partiya yaratdı. Bütün bu müddət ərzində 5 baş nazir dəyişdi və radikalların gözləntiləri də kəskinləşirdi, lakin nə Kvirikaşvili və Baxtadze, nə ölkədən qaçan Qaxariya, nə də hazırda həbsdə olan və Bidzina İvanişvili ilə təxminən 20 il əməkdaşlıq edərək yaxın şəxsi münasibətləri olan Ğaribaşvili onun cinayətkar fəaliyyəti haqqında hər hansı sual doğuracaq bir tək fakt, arqument və ya hətta məntiqi şübhə belə təqdim edə bilmədilər.

Bunun isə yeganə bir səbəbi var və Roman Qotsiridzenin 'Baçiaşvilinin dilə gəlməyəcəyinə hansı zəmanətlər var?' sualına cavab məhz budur. Bidzina İvanişvili illərdir dürüstcəsinə çalışır, müvafiq olaraq, onun üçün əsas zəmanət də məhz təmiz keçmişidir", — deyə Şatirişvili yazır.

Roman Qotsiridzenin bəyanatına gəlincə, o, Qiorqi Baçiaşvilinin villanı satmasını İvanişvili ilə aralarındakı mübahisə ilə əlaqələndirir, onlar arasında mümkün sövdələşmə barədə suallar qoyur və bu əhvalatı Gürcüstanda formalaşmış "mafiya sistemi"nin nümunəsi hesab edir.


"Görünür, İvanişvili şəxsi əsirini azad edib və o, hazırda xaricdədir. Əmlakın satılması və bu məbləğin onun hesablarında toplanması göstərir ki, o, İvanişvilidən təhlükə gözləmir. Ona bu zəmanəti nəyin verdiyi məlum deyil. Və ya İvanişviliyə Baçiaşvilinin xaricdə danışmayacağına nəyin zəmanət verdiyi də məlum deyil.

Baçiaşviliyə qarşı bir çox ağır cinayətlər törədilib, o cümlədən onun Dubaydan qaçırılması. İstədi-istəmədi, o, bu iş üzrə məhkəmədə çox şey danışmalı olacaq", — deyə Roman Qotsiridze yazır.

Qiorqi Baçiaşvilinin villasına gəlincə, NYP yazıb ki, Qiorqi Baçiaşvili Mayamidəki villanı 51,5 milyon dollara satıb və bu sövdələşmə rekord hesab olunur.

Mənbə: news.on.ge

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Bizi "TikTok"da izləyin.
Bizi "İnstagram"da izləyin.
Bizi "X"da izləyin.
Şahidi olduğunuz hadisələri çəkib bizə göndərin! +995557994415

---

Gürcüstanın hər yerindən olan 22 onlayn media birləşdik ki, gec olmadan mübarizə aparaq.
Bu mübarizədə sənin dəstəyin həlledicidir. https://sinatle.media/

Müstəqil onlayn medianı dəstəkləmək üçün ianə et:
# GE76TB7548536080100013
# GE70BG0000000609775306

Repressiv rejim müstəqil onlayn medianı yox etməklə hədələyir. Bu real təhlükəni göstərmək üçün 22 media qurumunun vebsaytı müvəqqəti olaraq dayandırıldı. Bu simvolik addım “İşıq sönməməlidir” kampaniyasından əvvəl həyata keçirildi. Kampaniyanın məqsədi müstəqil medianı qorumaq üçün dəstəkçiləri birləşdirməkdir.